TAWARIKH 1 13:5 - Alkitab Singog In Mongondow Masa In Tanaa

⁵ Dá ki Daud in nosipun kon rayat in Israel kon bayongan in butá, nongkon pinosigadan in Mesir kon toḷatan nodapot kon daḷan in Hamat kon utuan, sin mogamá kon Poti Dodandian tatua nongkon Kiryat-Yearim bo diaan pobayá in Yerusalem.

TAWARIKH 1 13:5 ပူးပေါင်းရင်းမြစ်များ

SAMUEL 2 6:1

Noiduduimai kon tua buidon in ki Daud nogoiní kon tontara mita inta totok in mongopia sinbá moyosipun, kobayongnea in 30.000 in intau.

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

TAWARIKH 1 13:4

Bayongan in intau Israel inta noyosipun tatua nosanang in gina in nokodongog kon singog tatua bo noibog in mosia.

TAWARIKH 1 13:6

Bo ki Daud in minayá noyotakin monia kon kotá in Baala, inta kon Kiryat-Yearim, kon butá in suku Yohuda sin mogamá kon Poti Dodandian i Allah. Poti tatua sinangoian “Tuhan Inta iḻimitú kon tudu in kerub”.

TAWARIKH 1 15:3

Dá ki Daud in nogoiní kon bayongan in intau Israel namangoi kon Yerusalem sin momamping kon Poti Dodandian i Tuhan pobayá in tampat inta ain sinadianea.

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

SAMUEL 1 6:21

Bo nopotabá in mosia in intau minayá kon intau mita in Kiryat-Yearim takin koyow nanaa, “Intau mita in Pilistin nopobuidon in Poti Dodandian i Tuhan. Angoi bo diádon in poti tatua kon ḻipúmu.”

SAMUEL 1 7:1

Dá intau kon Kiryat-Yearim nogamá kon Poti Dodandian i Tuhan tatua bo dinia monia pinobayá in Baḷoi i Abinadab; baḷoi tatua in kon tudu in buḷud. Onda intua mosia noduí kon i Eleazar adí i Abinadab, sin mobaḻí moḷoḷukad kon Poti Dodandian tatua.

SAMUEL 1 7:2

Noonggotbí doman in Poti Dodandian tatua kon Kiryat-Yearim, degá doyowamai nopuḷú notaong, Bo kon dodai intua bayongan umat in Israel mokuanimai kon i Tuhan mokituḷung.