TAWARIKH 1 12:40 - Alkitab Singog In Mongondow Masa In Tanaa

⁴⁰ Nongkon suku mita inta kon dotá in utuan inta moyayú tuata inta nongkon suku in Isakhar, Zebulon bo Naptali, in moroangoi takin sinumakoi kon keledai, unta, bagal, bo sapi inta nopuḻing in bahan kokaanon: topong, bungai in ara, kismis, anggur bo ḷana in zaitun. Mosia in nodia doman kon sapi bo domba sin ratáan bo kaanon. Bayongan in intua noponiata kon totuu mosanang in rayat kon bayongan in Israel.

TAWARIKH 1 12:40 ပူးပေါင်းရင်းမြစ်များ

SAMUEL 2 16:1

Naonda in ki Daud bagupa noitaḻib kon tudu in buḷud, daḻídon noiangoi in ki Ziba ata i Mepiboset, namangoi nokipodungkuḷ kon inia kodia-dia in keledai doyowa inta dinatogan in roti doyowa nogatut nobatú, mogatut in kukis kismis, mogatut nobogot in bungai in ayop inta bagupa sinipú bo tobotutu in tubig in anggur.

DATU MITA IMITÁNEA 1:40

Noiduduimai kon tua mosia komintan nonakin kon inia nobui sindaḷan norogiow bo nogirup kon bansí, nodapot in butá naonda bo mobotak sin rame tatua.

DATU MITA 2 11:20

Nosanang in gina in bayongan in rayat, bo nobiag doman notompia in intau kon kotá bo ki Atalya in iḻimodon.

TAWARIKH 1 12:39

Toḷu nosinggai in koonggotnea pojuang mita tatua nogutun kon tua takin i Daud sindaḷan nomia kon rame bo nongaan nonginum kon bayongan inta sinadia kon i monia in intau mita in Israel ibanea.

TAWARIKH 1 13:1

Ki Datu Daud in noyosingog takin bayongan porwiranea inta nobaḻí itoi kon pinonobatúan in 1.000 in intau bo pinonobatúan in 100 in intau.

TAWARIKH 1 29:22

Kon singgai tua mosia in nongaan bo nonginum takin pia in gina kon tayowon i Tuhan. Bo kon induaneadon in mosia nopotaau kon ki Salomo in nobaḻí datu. Pinodoyon kon tangoi Tuhan, mosia in nopobaḻídon kon inia nobaḻí datu monia bo ki Zadok in nobaḻí imang.

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

AMSAL 29:2

Aka intau moadil in momarenta, mopia in gina in rayat. Táe aka intau moraat in mongawasa, yo mororiga in rayat.

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

SAMUEL 1 25:18

Bo ḷagidon in ki Abigail nogamá kon roti doyowa nogatut, bo anggur doyowa nobotutu kuḻit, domba inangag ḻima, gandum inangag mopuḷú bo pitu nokilo, bungai in anggur inta ain nobaḻí kukis mogatut, bo kukis ara doyowa nogatut. Bayongan intua dinatognea kon keledainea mita.