TAWARIKH 1 12:38 - Alkitab Singog In Mongondow Masa In Tanaa

³⁸ Bayongan in pojuang tatua minayá in Hebron kon bonu in kaadaan mosadiadon moparang bo moniatdon moduí kon i Daud mobaḻí datu in bayongan in Israel. Bo bayongan in intau in Israel inta ibanea in notongkai doman in raian kon mogaid kon tua.

TAWARIKH 1 12:38 ပူးပေါင်းရင်းမြစ်များ

DATU MITA IMITÁNEA 11:4

Kon dodai in sia nogoguyangdon mosia in nokodondouḷugdon kon inia nosumba kon ilah mita ibanea. Ki Daud, ki amá i Salomo in tantúbí mosatia kon i Tuhan, Allahnea, táe ki Salomo in diá ná ki amánea.

DATU MITA IMITÁNEA 8:61

Moiko umat-Nea in mustibí umuran mosatia kon i Tuhan, Allah naton bo motoindudui kon hukum mita bo parenta-Nea mita ná inta pinomia monimu singgai naa.”

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

TAWARIKH 1 12:39

Toḷu nosinggai in koonggotnea pojuang mita tatua nogutun kon tua takin i Daud sindaḷan nomia kon rame bo nongaan nonginum kon bayongan inta sinadia kon i monia in intau mita in Israel ibanea.

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

MAZMUR 101:2

Akuoi in monaridi kon kobobiag inta diá in bogit. Moibog degá in Iko mamangoi kon inakó? Akuoi in moibog mobiag motusi kon baḷoiku,

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.