TAWARIKH 1 12:18 - Alkitab Singog In Mongondow Masa In Tanaa

¹⁸ Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.

TAWARIKH 1 12:18 ပူးပေါင်းရင်းမြစ်များ

SAMUEL 2 15:21

Táe ki Itai in notubag, “Inta Momulia, podoyon kon i Tuhan inta nobiag bo popisí in nyawa i Tuangku, kon ondakabí in bayáan i Tuangku, yo bobantung in dumuduibí doman, umpakabí moyogintayow in popatoi.”

SAMUEL 2 17:25

Ki Absalom ain noduí kon i Amasa nobaḻí tongguḷu in tontara nonoḻiu kon i Yoab. Ki Amasa adí i Yitra intau in Ismael; ki inánea tangoinea in ki Abigail adí i Nahas, inta ki utat bobay i Zeruya ki iná i Yoab.)

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

DATU MITA IMITÁNEA 9:22

Intau in Israel diábí binaḻí i Salomo ata; mosia in binaḻí tontara, porwira, tongguḷu totok in tontara, komandan in kereta in parang, bo tontara inta tumakoi kon kabaḷo.

DATU MITA 2 10:15

Ki Yehu in nongingguputdon kon bobayáannea. Kon yuak in daḷan, sinontomu in sia i Yonadab ki adí i Rekhab. Ki Yehu in nobogoi in nohoromat kon inia bo noguman, “Notongkaibí degá in gina naton? Moibog degá in iko motongod kon inakó?” “Oo,” tubag i Yonadab. “Aka natua, modatipa in kita,” tubag i Yehu. Nododatian in mosia, bo sinuḷungan i Yehu in ki Yonadab sinumakoi kon keretanea,

DATU MITA 2 10:5

Tuamai in tongguḷu in komaḻig bo walikota takin guhanga mita in ḻipú bo intau mita inta noḷukad kon i adí bo ompu i Ahab tua in nokidia in habar nanaa kon i Yehu, “Kami in motoguondokbí kon i Tuang bo mosadiabí in kami mogaid kon onuka in pokiaid i Tuang kon i nami. Diábí in kami moduí kon i ineka sin mobaḻí datu. Aidaidon onu in mopia kon mata i Tuang.”

DATU MITA 2 9:32

Iḷumangag in ki Yehu kon jandela bo noguman, “Ki ine in moibog kon inakó?” Nokodongogmai kon tua, doyowa toḷu in pogawai in komaḻig iḷumongow monag.

TAWARIKH 1 11:11

Porwira inta muna totok in ki Yasobam intau in Hakhmoni, sia in itoi in “Triwira”. Nokoimontandon kon bonu in pinoparangan sia in nonayow kon 300 in intau bo nodaitnea iḻimod in pandongnea.

TAWARIKH 1 12:17

Ki Daud in nokipodungkuḷ kon i monia bo noguman, “Aka moiko bo namangoi saḷaku yobayat sin motuḷung kon inakó, yo koḻigai dumugangdon kon i nami. Tarimaanbí nami takin pia in gina. Táe aka makusud i monimu moposarakan kon inakó kon musung pongin akaḷ monimu, umpaka akuoi naa in diá nogaid kon inta moraat kon i monimu, yo ki Allah inta sinumba in mogoguyang naton in monotaaubí kon tua bo hukumon-Neabí in moiko.”

TAWARIKH 1 2:17

Ki Abigail in pinobuḷoi i Yeter buí i Ismael. Mosia in kogadí kon adí ḷoḷaki tobatú tangoinea in ki Amasa.

YESAYA 59:17

Sia in mopomaké in koadilan bo kasaḷamatan nobaḻí ḷambung uatoi bo sapoyo uwaja. Sia in moḷongasi mopoguḻí kon kaadaan bo motuḻí kon aid diá moadil.

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

GALATIA 6:16

Kon bayongan intau inta umuranpa nokadai kon atorang tatua bo bayongan doman intau inta dinumudui kon ibog i Allah, umuran igumonku mako sinbá ki Allah in mobogoi in kobiagan motompia bo barakat-Nea.

HAKIM MITA 13:25

bo naonda in sia kon pinononḷoḷaigan in suku Dan, inta noiukat kon sigad in Zora bo Eshtaol, Roho i Tuhan nomangkoidon nobogoi in ropot kon inia.

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

HAKIM MITA 6:34

Táe ki Gideon kinawasa in Roho i Tuhan, dá sia nogirup kon torompet sin mogoiní kon intau mita inta inanakan i Abiezer sinbá mamangoi dumugang kon inia.

RUT 1:16

Táe ki Rut in notubag, “Iná, Dikadon in ki Iná mopotabá kon inakó mobui bo monaḷámai kon i Iná! Akuoi naa in moibogbí dumudui kon i Iná. Kon ondakabí in bayáan i iná yo kon tuabí doman in bayáanku. Kon onda in pogutunan i Iná, yo kon tuabí doman in pogutunanku. Bangusa i Iná tua in bangusakubí doman. Ki Allah inta sinumba i Iná, in sumbaankubí doman.

SAMUEL 1 16:4

Ki Samuel nomia kon ná inta pinoguman i Tuhan. Naonda in sia nodapot kon Betlehem, itoi mita in kotá kon tua nonontomu kon inia takin noitaḻikokog bo noḻibó, “Degá kinoangoian i Amá naa in mokopoangoi kon saḷamat?”

SAMUEL 1 16:5

Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.

SAMUEL 1 22:7

noguman in sia kon porwiranea mita tatua, “Indongogaidon, ei intau mita in Benyamin! Eta degá ki Daud tua in mobogoi in gobá in tudunea bo gobá in anggur kon inimu? Eta degá moiko komintan in baḻíonnea doman porwira mita in tontaranea?

SAMUEL 1 24:12

Indoiaika, Amáku! Indoiaika in pongkóan in jubah i Tuang Datu inta kokada-kadaiku naa! Sabanarnea in koḻimodankubí in ki Tuang, táe akuoi in tongábí nomongkó kon topiḻik in bingkí in jubah i Tuang Datu. Dá, noniatadon kon akuoi in diábí komakusud moraat andeka inta diá mopia. Ki Tuang in mogaḷo-gaḷow mako kon inakó sin moḻimod, umpakabí akuoi naa diá kotaḷá topiḻikmai kon i Tuang Datu.

SAMUEL 1 24:13

Poigumon mako ki Tuhandon in monantú mongo ki ine in kotaḷá in kitada! Igumon mako ki Tuhandon in motuḻí kon aid i Tuang kon inakó, tongá topiḻikmai akuoi in doíbí mopororiga kon i Tuang Datu.

SAMUEL 1 24:16

Ki Tuhan in mobaḻí hakim kon sigad natonda. Igumon mako taridion-Neadon in pelekara tanaa, bo mopotutui kon inakó bo moposaḷamat kon inakó nongkon i Tuang Datu.”

SAMUEL 1 8:12

Ibanea in binaḻínea porwira inta mobaḻí itoi kon intau toribu, bo ibanea in mobaḻí itoi kon intau ḻima nopuḷú. Datu tatua in momakisa kon i adímu mita momajeko kon gobánea, monoinut kon bungai in boyónea, momia kon ḷoḷutamnea mita bo pakakat mita in kereta parangnea.