TAWARIKH 1 11:5 - Alkitab Singog In Mongondow Masa In Tanaa

^5-7 Intau mita in Yebus in nogumandon kon i Daud, kon diábí in sia mokotuot kon kotá monia tatua. Táe ki Daud in nokoḷongasibí nogagow kon poḷoḷukadan monia inta sinangoian Sion. Kon dodai intua ki Daud ain nopotaau kon intaunea mita kon intau inta muna totok moḻimod kon intau in Yebus in mobaḻíbí tongguḷu totok in tontara. Dá popisí in ki Yoabdon inta muna-munamai minayá nonubu kon intau in Yebus, dá dinuí in sia nobaḻí tongguḷu totok in tontara. (Ki iná i Yoab tangoinea in ki Zeruya). Naonda in nokoagow kon poḷoḷukadan Sion, ki Daud nogutun kon tua. Tuamai nongkon dodaidon intua poḷoḷukadan tatua in sinangoidon “Kotá i Daud”.

TAWARIKH 1 11:5 ပူးပေါင်းရင်းမြစ်များ

SAMUEL 2 6:10

Tuamai in doídon in sia modia kon Poti in Dodandian tatua mayá in Yerusalem, táe sinagúneadon kon baḷoi i Obed-Edom intau in Gat.

SAMUEL 2 6:12

Dinongogdon i Datu Daud kon ki Tuhan in nomarakatdon kon motoḷuadí i Obed-Edom takin bayongan in kapunyaannea popisí in Poti Dodandian tatua. Dá minayádon in sia kon baḷoi i Obed-Edom, nogamá kon Poti Dodandian tatua sin pampingon kon Yerusalem takin pia in gina.

DATU MITA IMITÁNEA 8:1

Nopaḷut mako kon tua ki Datu Salomo nopotabá kon bayongan itoi in suku bo inanakan nongkon bangusa in Israel namangoi kon inia kon Yerusalem sin momamping kon Poti Dodandian i Tuhan nongkon Sion, kotá i Daud, pobayá in Baḷoi Tuhan.

TAWARIKH 1 11:4

Kon singgai tobatú ki Datu Daud takin bayongan in tontara in Israel minayá nonubu kon kotá in Yerusalem. Kon dodai intua kotá tatua tangoinea in Yebus, bo pinogutunan in intau in Yebus, intau mita taakan in kotá tatua.

TAWARIKH 2 5:2

Nopaḷut mako kon tua ki Datu Salomo nopotabá in bayongan itoi in suku bo inanakan nongkon bangusa in Israel noyosipun kon Yerusalem sin momamping kon Poti Dodandian i Tuhan nongkon Sion, kotá i Daud kon Baḷoi Tuhan.

MAZMUR 122:5

Kon naabí in datu mita buí i Daud mohakim kon rayatnea.

MAZMUR 132:13

Sin ki Tuhan in nomiḻídon kon Sion; Kinoibog-Nea mobaḻí tampat pogogutunan-Nea.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

MAZMUR 78:68

Sukubí in Yohuda in piniḻí-Nea, bo Tombuḷud in Sion inta kinotabi-Nea.

MAZMUR 87:2

Nongkon bayongan in kotá kon Israel, Yerusalembí inta totok in kinotabi-Nea.

MAZMUR 87:5

Kon i Sion singogon in intau nanaa, bayongan in bangusa in noituot kon inia, bo ki Inta Totok in Moḷantud in moporigondon kon inia.

MAZMUR 9:11

Intau inta nonotaau kon ini-Mu mogoḷat mako kon ini-Mu, o Tuhan, intau inta mosumba kon ini-Mu diábí taḷaan-Mu.

SURAT I PAULUS KON JAMAAT RUM 9:33

Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

HAKIM MITA 19:10

Táe intau in Lewi tatua in doí bidon mosiug bui kon tua in doḷom tua. Sia bo ki buḷoinea ibanea tatua nobuatdon, noyotakin in bobantungnea bo takin keledainea doyowa inta oyúon in ḷoḻitúan. Naonda in mata in singgai motoḷontomdon, nodapotdon in mosia kon diug in Yebus (inta Yerusalem). Bo bobantung tatua in noguman kon i tuangnea, “Tuang, koḻigai mongandupa in kita poḷat mosiugpa kon bonu in kotá in intau in Yebus tanaa.”

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”

SAMUEL 1 17:36

Bobantungmu naa in ain noḻimod kon singa andeka beruang, bo intau in Pilistin kaper tatua in potongkaionku domandon ná mahaḷuk mita tatua, sin sia in mokobaḻídon mopoonagmai kon tontara mita inta nongkon i Allah inta nobiag.