TAWARIKH 1 11:23 - Alkitab Singog In Mongondow Masa In Tanaa

²³ Nokoimontan domandon in sia noḻimod kon intau in Mesir inta moḷoben in awaknea, koḷantudnea in noiḻiu kon doyowa nometer. Intau tatua in nomaké in pandong inta moḷoben totok, táe tongá sinayowan i Benaya in bobobak. Pandong inta kokada-kadai in intau in Mesir tatua inagownea bo pinoḻimodnea kon intau tatua.

TAWARIKH 1 11:23 ပူးပေါင်းရင်းမြစ်များ

TAWARIKH 1 11:24

Tuata in inaidan mita i Benaya, intau tobatú nongkon sigad in intau inta kon Tridasawira.

TAWARIKH 1 20:5

Kon pinoparangan ibanea nonayow kon intau in Pilistin, ki Elhanan ki adí i Yair in noḻimod kon i Lahmi ki utat i Goliat intau in Gat. Puḷu in pandong i Lahmi tua in ná koḷoben in kayu gogaboḷan.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

SAMUEL 1 17:4

Dá intau tobatú inta motoyang moropatoi inta ki Goliat in tangoinea, nongkon kotá in Gat iḻumuai nongkon pinononḷoḷaigan in Pilistin sin monontot kon intau in Israel. Koḷantudnea tua in degá toḷumai nometer,

SAMUEL 1 17:7

Puḷu in pandongnea ná koḷoben in kayu in gogaboḷan, bo mata in pandongnea kobogatnea in degá pitumai nokilo. Tontara tobatú in minayá inumuna kon inia kodia-dia in kaḻeaw.