TAWARIKH 1 11:20 - Alkitab Singog In Mongondow Masa In Tanaa

^20-21 Toḷu nopuḷú in porwira inta ponango-nangoian tatua sinangoian doman “Tridasawira.” Mosia in sinongganutan i Abisai ai-ai i Yoab. Nokoimontandon in sia nokoḻimod kon 300 in intau tongá nomaké in pandongnea, tuamai in nobaḻídon ponango-nangoian in sia. Táe sia in diábí ná kotoyang in Triwira tatua.

TAWARIKH 1 11:20 ပူးပေါင်းရင်းမြစ်များ

SAMUEL 2 18:2

Nopaḷut mako kon tua pinotabáneadon in mosia minayá noparang kon bonu in toḷu nopaanan, paanan mita tatua in kon bonu in tongganut i Yoab, i Abisai ki ai-ai Yoab bo Itai intau i Gat. Guman i datu kon intaunea, “Akuoi in mayá doman moyotakin monimu.”

SAMUEL 2 2:18

Ki Adí i Zeruya taya toḷu in kon tua doman, inta ki Yoab, ki Abisai bo ki Asael. Ki Asael naa in pororibatuknea in moḻikat naonda bo rusa,

SAMUEL 2 20:6

Onda intua ki datu in nogumandon kon i Abisai, “Ki Seba tua in mokosusa-susabímai kon inaton moiḻiu kon i Absalom. Tuamai in diádon in intauku mita bo batukdon in sia, sinbá diá modapot in sia in mokoḻitú kon kotá mita inta dininding, bo mokoḷagui kon inaton.”

SAMUEL 2 21:17

Táe ki Abisai adí i Zeruya in namangoi notuḷung kon i Daud. Sinayowannea in tuyá tatua bo iḻimodnea. Nopaḷut mako kon tua intau i Daud nopoigum sinbá ki Daud in modandidon kon diádon tumakin bui moparang. “Ki Tuang datu in nobaḻí harapan in Israel, dika modapot in kami kobuḻian i Tuang datu,” guman monia.

SAMUEL 2 3:30

Natuata in pinototuḻí i Yoab bo i Abisai ai-ainea, sin motuḻí kon yaat in gina kon i Abner sin ki Abner in noḻimodon kon i Asael ki ai-ai monia kon pinoparangan kon Gibeon.

TAWARIKH 1 11:19

Noguman in sia, “Podoyon kon i Allah, akuoi in diábí motaau in monginum kon tubig tanaa! Aka inumonku, yo naonda bo akuoi in nonginum kon dugú in intau mita inta ain noponoḻiu in nyawa monia!” Dá totokbí in doí in ki Daud nonginum kon tubig tatua. Tuata in inaidan mita in porwira taya toḷu tatua.

TAWARIKH 1 2:16

Ki Isai in kogadí doman kon adí bobay taya dua: ki Zeruya bo ki Abigail. Ki Zeruya in kogadí kon adí ḷoḷaki taya toḷu: ki Abisai, ki Yoab bo ki Asael.

SAMUEL 1 26:6

Onda intua ki Daud noḻibó kon i Ahimelek intau in Het tatua, bo kon i Abisai utat i Yoab (ki iná monia in ki Zeruya), “Ki ine in mokobaḻí tumuot takinku kon bonu in ḷoḷaigan i Saul?” Ki Abisai notubag, “Akuoi!”