TAWARIKH 1 11:19 - Alkitab Singog In Mongondow Masa In Tanaa

¹⁹ Noguman in sia, “Podoyon kon i Allah, akuoi in diábí motaau in monginum kon tubig tanaa! Aka inumonku, yo naonda bo akuoi in nonginum kon dugú in intau mita inta ain noponoḻiu in nyawa monia!” Dá totokbí in doí in ki Daud nonginum kon tubig tatua. Tuata in inaidan mita in porwira taya toḷu tatua.

TAWARIKH 1 11:19 ပူးပေါင်းရင်းမြစ်များ

KINOBAḺIAN 9:4

Inta diá motaau kaanonmu in tongábí tapú inta oyúonpa in dugúnea, sin nyawa tua in kon bonubí in dugú.

SAMUEL 2 23:17

Sia in noguman, “Oo Tuhan, diábí in akuoi motaau monginum kon tubig tanaa! Aka inumonku, yo tua in naonda bo akuoi in nonginum kon dugú in intau mita inta ain nopotaru in kobiagan monia!” Dá ki Daud in beresibí doí monginum kon tubig tatua. Tuata in aid mita moḷoben in intau toḷu inta mongobarani bo moropot tatua.

DATU MITA IMITÁNEA 21:3

Ki Nabot in notubag, “Gobá in anggur tanaa in budelbí in mogoguyangku. Podoyon kon i Allah, diábí motaauku ogoi kon i Tuang!”

TAWARIKH 1 11:18

Nokodongogmai kon tua, porwira toḷu tatua minayá nondangat kon pinononḷoḷaigan in intau in Pilistin bo nonangkob kon tubig in parigí tatua, onda intua dinia monia kon i Daud. Táe doí in ki Daud nonginum, binutakneabí nobaḻí sosumba kon i Tuhan.

TAWARIKH 1 11:20

Toḷu nopuḷú in porwira inta ponango-nangoian tatua sinangoian doman “Tridasawira.” Mosia in sinongganutan i Abisai ai-ai i Yoab. Nokoimontandon in sia nokoḻimod kon 300 in intau tongá nomaké in pandongnea, tuamai in nobaḻídon ponango-nangoian in sia. Táe sia in diábí ná kotoyang in Triwira tatua.

AYUB 31:31

Intau mita inta nogaid kon inakó nonotaaubí, kon ki inekabí tarimaankubí kon baḷoiku.

MAZMUR 72:14

Sia in mopoḷuat kon i monia nongkon pondorotan bo aid mobogat, sin kobiagan monia moḷoben in mangaḻenea kon inia.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

MARKUS 14:24

Bo ki Yesus in noguman, “Naadon in dugú-Ku inta mopototuu kon dodandian i Allah, dugú inta pinobutak sin kopontingan in intau mobarong.

YOHANES 6:55

Sin awak-Ku in totu-totuubí kaanon bo dugú-Ku in totuubí kon inumon.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

KORINTUS 1 15:30

Bo onu doman in mangaḻe kami moibog tumayow kon inta mokobodito pomuḷoi mako?

HAKIM MITA 9:17

inta ain irumopot totok sin kopontingan monimu? Pokotorop, sia ain nopotaru in nyawanea sin mopoḷuat kon i monimu nongkon kawasa in intau mita in Midian.

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”