TAWARIKH 1 11:18 - Alkitab Singog In Mongondow Masa In Tanaa

¹⁸ Nokodongogmai kon tua, porwira toḷu tatua minayá nondangat kon pinononḷoḷaigan in intau in Pilistin bo nonangkob kon tubig in parigí tatua, onda intua dinia monia kon i Daud. Táe doí in ki Daud nonginum, binutakneabí nobaḻí sosumba kon i Tuhan.

TAWARIKH 1 11:18 ပူးပေါင်းရင်းမြစ်များ

SAMUEL 2 23:16

Nokodongogmai kon natua porwira taya toḷu tatua nongin pinononḷoḷaigan in intau in Pilistin, bodongka nonangkob kon tubig nongkon parigí tatua, onda intua dinia monia kon i Daud. Táe doíbí in ki Daud nonginum kon tubig tatua, sedang bo binutakneabí nobaḻí sosumba kon i Tuhan.

TAWARIKH 1 11:17

Nokotanob in ki Daud kon ḻipúnea tatua bo noguman, “Ah, aka kuma bo akuoi inogoian in tubig inumon nongkon parigí inta kon diug in bonawang in Betlehem.”

TAWARIKH 1 11:19

Noguman in sia, “Podoyon kon i Allah, akuoi in diábí motaau in monginum kon tubig tanaa! Aka inumonku, yo naonda bo akuoi in nonginum kon dugú in intau mita inta ain noponoḻiu in nyawa monia!” Dá totokbí in doí in ki Daud nonginum kon tubig tatua. Tuata in inaidan mita in porwira taya toḷu tatua.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”

SAMUEL 1 7:6

Bo noyosipundon in mosia kon Mizpa. Mosia in nonayú kon tubig bo pinopobutak nobaḻí sosumba kon i Tuhan, noiduduimai kon tua mosia in nopuasa in tosinggai tua. Guman monia, “Kami naa in binaradosadon kon i Tuhan.” (Kon Mizpa tua ki Samuel nomangkoidon nomaḷut kon pelekara mita yogenggeng in intau in Israel.)