TAWARIKH 1 1:14 - Alkitab Singog In Mongondow Masa In Tanaa

¹⁴ Ki Kanaan in mogoguyang doman in intau in Yebusi, Amori, Girgasi,

TAWARIKH 1 1:14 ပူးပေါင်းရင်းမြစ်များ

KINOBAḺIAN 10:16

Kanaan naa in nobaḻí doman mogoguyang in bangusa Yebusi, Amori, Girgasi,

KINOBAḺIAN 15:21

Amori, Kanaan, Girgasi bo Yebus.”

KINOBAḺIAN 48:22

Kon inimubí nion, bo deemanbí kon i utatmu mita, ogoiku kon inimu in Sikhem, butá inta moḷumbá tatua inta ain inagowku nongkon intau mita in Amori takin kedang bo piotku.”

SAMUEL 2 21:2

(Intau mita in Gibeon deemanbí intau in Israel; mosia in noituot paanan mointok in intau in Amori. Intau mita in Israel ain nongibot kon moḷukad kon i monia, táe ki Saul in noḷongasibí noyopú kon i monia sin sia in norai kon kopontingan in intau in Israel bo Yohuda.) Bo ki Daud in nogoiní kon intau mita in Gibeon tatua

SAMUEL 2 24:16

Malaekat i Tuhan inta nodia kon popatoi tatua ain noiyaput in tampat poḷoḻidokan kon gandum kapunyaan i Arauna, intau in Yebus. Naonda in inontong i Tuhan kon malaekat tatua nosadiadon moyompat kon Yerusalem, ki Tuhan in nomaḷui kon kaputusan-Nea, bo nogogaidon in Sia nohukum kon bangusa tatua. Guman-Nea kon malaekat tatua, “Tugatdon! Pogogaidon!”

DATU MITA 2 21:11

“Ki Datu Manasye in moraatbí totok. Oaidnea in moraa-raat nongkon oaid in intau in Kanaan. Pinongin berhala mita inta pinomianea, sia in nokopopisídon kon intau in Yohuda binaradosa.

TAWARIKH 1 1:13

Ki adí mita ḷoḷaki i Kanaan in ki Sidon, inta guya-guyang, bo ki Het. Mosia tua in mogoguyang in bangusa mita inta sinangoian pinodudui in tangoi monia.

TAWARIKH 1 1:15

Hewi, Arki, Sini,

NEHEMIA 9:8

Nouḻí-Mu in sia umuran mosatia kon ini-Mu bo motoindudui. Bo inaidan-Mu takinnea in dodandian inta moroton. Butá in Kanaan, Het bo Amori, butá in Peris, Yebus bo Girgasi, tua komintan in ogoi-Mu kon inia; mobaḻí pogogutunan in bayongan buínea. Noiduduimai inintompodan-Mu in dandi tatua kon inia, sin Iko in moadil bo mosatia.

IḶUAIAN 33:2

Potabá-Kudon mangoi in malaekat tobatú sin modia kon i monimu. Untunon-Kubí in bangusa Kanaan, Amori, Het, Peris, Hewi bo Yebus.

IḶUAIAN 34:11

Duduiaidon in hukum mita inta inogoi-Ku kon inimu singgai naa. Akuoi in moguntundon kon bangusa Amori, Kanaan, Het, Peris, Hewi bo Yebus kon dodai in moiko mayá moparang.

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

ZAKHARIA 9:7

Mosia in diá bidon mokaan bui kon ponoyá inta oyúonpa in dugú andeka kaanon ibanea inta pinoton. Bayongan intau inta kiagatneapa in mobaḻí umat-Ku bo inanggap kiagat in suku in Yohuda. Ekron in mobaḻídon umat-Ku, naonda bo intau in Yebus kon dungkuḷmai.

ULANGAN 20:17

Ná inta pinarenta i Tuhan Allahmu, moiko in mustibí moyompat kon intau mita in Het, Amori, Kanaan, Peris, Hewi bo Yebus.

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

HAKIM MITA 1:21

Suku i Benyamin in diá nokopoguntun kon intau in Yebus nongkon kotá in Yerusalem. Tuamai intau in Yebus umuranpa doman nogutun kon tua noyotakin in intau in Benyamin.