SAMUEL 2 9:7 - Alkitab Singog In Mongondow Masa In Tanaa

⁷ Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

SAMUEL 2 9:7 ပူးပေါင်းရင်းမြစ်များ

KINOBAḺIAN 43:18

Naonda in mosia dinia sinumuot kon baḷoi Yusup, mosia inagían in ondok bo norai, “Kita in dinia namangoi kon naa, popisí in doit inta nouḻí naton kon bonu in karong naton kon tungkuḷ in kita namangoi koḻipod. Mosia in daḻídon modomok kon inaton, bodongka gamáan monia in keledai naton bo kita baḻíon ki ata monia.”

KINOBAḺIAN 43:23

Bobantung tatua in noguman, “Dika moondok. Dika mohawatir. Ki Allahmu, inta ki Allah inta sinumba i amámu, Sia tuata inta nopobonu in doit tatua kon bonu in karong monimu. Akuoi in notarimadon kon boḻi in gandum inta sinaḷui monimu tua.” Onda intua dinianeadon mangoi in ki Simeon kon i monia,

SAMUEL 2 12:8

Dodatuan i Saul bo ki buḷoinea mita in inogoi-Kudon kon inimu, nodapotdon in dinuí-Kudon in iko nobaḻí datu kon Israel bo kon Yohuda. Aka tua bo diápa doman tugat, yo notantú bidon kon ogoi-Kudon kon inimu podudui in ibogmu tua.

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 19:29

Ki Datu in notubag, “Diá bidon paraḷu in iko mosingog kon onu bo onu. Akuoi in nonantúdon kon mobogoi in bayongan kapunyaan i Saul kon inimu bo kon i Ziba.”

SAMUEL 2 19:33

Ki datu in noguman kon inia, “Takindon kon inakó mayá in Yerusalem, bain pooyúononku in bayongan inta pakéonmu kon tua.”

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

SAMUEL 2 9:1

Kon singgai tobatú noḻibó in ki Daud, “Oyúonpa degá in nobiag in intau nongkon motoḷuadí i Saul? Aka oyúonpa, yo akuoi in moibog mopoaid in mopia kon inia sin motuḻí kon aid mopia i Yonatan.”

SAMUEL 2 9:10

Iko bo ki adímu mita takin bobantungmu in mustibí monompinomuḷa kon butá tatua sin kopontingan in motoḷuadí i tuangmu ki Saul, bo ogoidon in bungai in pinomuḷa tatua kon i monia sinbá oyúon in pakéon monia kon kobiagan. Táe ki Mepiboset in motaaubí in mongaan kon komaḻig in kinoouput in kinobiagannea.” (Ki Ziba in kogadí kon ḷoḷaki 15 bo atanea in 20.)

SAMUEL 2 9:11

Ki Ziba in notubag kon i datu, “Bayongan in parenta i Tuang Datu in aidanbí in bobantung.” Dá ki Mepiboset in nongaanbí noyotakin i datu, ná ki adí ḷoḷaki i Datu Daud tontaní.

SAMUEL 2 9:13

Natuata in nobaḻí kon i Mepiboset inta nopelong in sioḷnea doyowa tua in nogutun kon Yerusalem bo umuran nongaan kon komaḻig.

SAMUEL 2 9:3

Onda intua noḻibó in ki datu, “Oyúonpa degá in nobiag in intau nongkon motoḷuadí i Saul? Moibog in akuoi mopoaid kon inta mopia kon inia, ná inta ain pinodandiku kon i Allah.” Ki Ziba in notubag, “Oyúonpa in ki adí ḷoḷaki tobatú Yonatan. Nosedó i bobayánea.”

DATU MITA IMITÁNEA 2:7

Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.

DATU MITA 2 25:29

Ki Yoyakhin in diá bidon nogiḷambung in ḷambung in intau in ponjara bo biasanea in mongaan kon komaḻig bo inogoian doman in doit sin pakéon kon kobiagannea.

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

YEREMIA 52:33

Sia in inogoi nomaḷui kon ḷambung in ponjaranea bo nodapot kon singgai noiduduimai kon bonu in sia nobiagpa motaaubí in sia mongaan kon komaḻig, bo pomuḷoi in singgai inogoian in doit pakéonnea kon kobiagan.

ZAKHARIA 7:9

“Kon taong mita inta ain noitaḻib inogoi-Ku in parenta tanaa kon umat-Ku, ‘Moiko in mustibí mokopoadil, kototabi bo mopia in gina kon tumpaḷa intau.

MATIUS 6:11

Ogoiaidon kaanon in kami in singgai naa, inta tugat kon inami.

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.

SAMUEL 1 20:15

yo umurandon poniata in kososatiamu kon buíku. Bo aka ki Tuhan moyopúdon kon bayongan in musungmu,

SAMUEL 1 22:23

Pogutundon moyotakinku bo dika moondok. Ki Saul in moniat moḻimod kon inimu, bo akuoi doman in niatonnea mako ḻimodon. Dá, iko in moamanbí in kon tampatku naa.”