SAMUEL 2 9:3 - Alkitab Singog In Mongondow Masa In Tanaa

³ Onda intua noḻibó in ki datu, “Oyúonpa degá in nobiag in intau nongkon motoḷuadí i Saul? Moibog in akuoi mopoaid kon inta mopia kon inia, ná inta ain pinodandiku kon i Allah.” Ki Ziba in notubag, “Oyúonpa in ki adí ḷoḷaki tobatú Yonatan. Nosedó i bobayánea.”

SAMUEL 2 9:3 ပူးပေါင်းရင်းမြစ်များ

SAMUEL 2 19:26

Tubagnea, “Inta Momulia, Kinotaauan bidon i Tuang datu kon akuoi naa in pelong. Akuoi in nopotabádon kon bobantungku moposadia in keledai inta motaau takoianku sin dumudui kon i Tuang datu. Táe akuoi in inuboḷan in bobantung tatua.

SAMUEL 2 19:27

Nodapot in pinoponapudannea akuoi in uboḷ kon i Tuang datu. Táe ki Tuang in naonda bo malaekat i Allah. Tuamai in pomiadon in onu inta mopia kon mata i Tuang datu.

SAMUEL 2 9:13

Natuata in nobaḻí kon i Mepiboset inta nopelong in sioḷnea doyowa tua in nogutun kon Yerusalem bo umuran nongaan kon komaḻig.

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

LUKAS 6:36

Musti potonop monimu kon gina in totabi kon tumpaḷa intau ná ki Amámu nopuḻing doman in totabi kon intau!”

ULANGAN 10:15

Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.