SAMUEL 2 9:11 - Alkitab Singog In Mongondow Masa In Tanaa

¹¹ Ki Ziba in notubag kon i datu, “Bayongan in parenta i Tuang Datu in aidanbí in bobantung.” Dá ki Mepiboset in nongaanbí noyotakin i datu, ná ki adí ḷoḷaki i Datu Daud tontaní.

SAMUEL 2 9:11 ပူးပေါင်းရင်းမြစ်များ

SAMUEL 2 15:15

“Mopia, Tuang datu,” tubag monia. “Kami in mosadiabí mogaid kon onuka in koibog i Tuang Datu.”

SAMUEL 2 19:24

Ná doman tua in ki Mepiboset ki ompu i Saul, namangoi doman sin motomu kon i datu. Sia in diá nondarit kon sioḷnea, diá doman nongarug kon kuminea, bo diá nomatá kon pakeangnea pinangkoipa ki Datu Daud nonaḷámai kon Yerusalem nodapot in sia nobui takin saḷamat.

SAMUEL 2 19:26

Tubagnea, “Inta Momulia, Kinotaauan bidon i Tuang datu kon akuoi naa in pelong. Akuoi in nopotabádon kon bobantungku moposadia in keledai inta motaau takoianku sin dumudui kon i Tuang datu. Táe akuoi in inuboḷan in bobantung tatua.

SAMUEL 2 9:10

Iko bo ki adímu mita takin bobantungmu in mustibí monompinomuḷa kon butá tatua sin kopontingan in motoḷuadí i tuangmu ki Saul, bo ogoidon in bungai in pinomuḷa tatua kon i monia sinbá oyúon in pakéon monia kon kobiagan. Táe ki Mepiboset in motaaubí in mongaan kon komaḻig in kinoouput in kinobiagannea.” (Ki Ziba in kogadí kon ḷoḷaki 15 bo atanea in 20.)

SAMUEL 2 9:12

Ki Mepiboset in kogadí kon ḷoḷaki inta ki Mikha in tangoinea. Bayongan in motoḷuadí i Ziba in nobaḻíbí bobantung mita i Mepiboset.

SAMUEL 2 9:13

Natuata in nobaḻí kon i Mepiboset inta nopelong in sioḷnea doyowa tua in nogutun kon Yerusalem bo umuran nongaan kon komaḻig.