SAMUEL 2 9:10 - Alkitab Singog In Mongondow Masa In Tanaa

¹⁰ Iko bo ki adímu mita takin bobantungmu in mustibí monompinomuḷa kon butá tatua sin kopontingan in motoḷuadí i tuangmu ki Saul, bo ogoidon in bungai in pinomuḷa tatua kon i monia sinbá oyúon in pakéon monia kon kobiagan. Táe ki Mepiboset in motaaubí in mongaan kon komaḻig in kinoouput in kinobiagannea.” (Ki Ziba in kogadí kon ḷoḷaki 15 bo atanea in 20.)

SAMUEL 2 9:10 ပူးပေါင်းရင်းမြစ်များ

SAMUEL 2 16:3

Bo noḻibó in ki datu kon inia, “Kon onda in ki Mepiboset ki ompu i tuangmu ki Saul?” “Tuapabí in sia kon Yerusalem,” tubag i Ziba, “sin noyakinbí in sia kon tanaa intau in Israel mopobuidon in dodatuan i Saul ki akinea kon inia.”

SAMUEL 2 19:18

Mosia in notuḷung kon motoḷuadí i datu iḷumoḷan poḷat nogaid kon bayongan inta pinoki aid i datu kon i monia. Kon dodai in ki datu in ḷumoḷandon kon ongkag, ki Simei in sinumungkud kon tayowonnea bo noguman,

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

DATU MITA IMITÁNEA 2:7

Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.

DATU MITA 2 25:29

Ki Yoyakhin in diá bidon nogiḷambung in ḷambung in intau in ponjara bo biasanea in mongaan kon komaḻig bo inogoian doman in doit sin pakéon kon kobiagannea.

LUKAS 14:15

Nokodongogmai kon singog i Yesus natua, oyúon tobatú intau inta nongaan noyotakin-Nea in noguman kon i-Nia, “Momujur totok in intau inta mongaan moyotakin i Allah aka Sia mamangoidon saḷaku Datu!”