SAMUEL 2 8:6 - Alkitab Singog In Mongondow Masa In Tanaa

⁶ Onda intua ki Daud noposindog in ḷoḷaigan mita in tontara kon bonu in butá monia, bo motoguondok in mosia bo moguboḻi kon pajak kon inia. Ki Tuhan in nopountung kon i Daud kon ondakabí in bayáannea poparangan.

SAMUEL 2 8:6 ပူးပေါင်းရင်းမြစ်များ

SAMUEL 2 10:19

Naonda in datu mita inta kinawasa i Hadadezer nokoontong kon sinaḷowdon in mosia in tontara in Israel, nopoigum in mosia moyodame bo tumungkudon kon intau in israel. Nongkon dodaidon intua intau in Siria in diádon mokobaḻí motuḷung kon intau in Amon.

SAMUEL 2 3:18

Yo, tanaadon in kasampatan monimu. Toropdon, ki Tuhan ain nodandi kon i Daud, kon pongin i inia umat-Nea Israel posaḷamaton nongkon intau in Pilistin bo nongkon bayongan in musung ibanea mako.”

SAMUEL 2 5:10

Koonggot-koonggot koropot-koropotdon in ki Daud, sin ki Tuhan, Allah Inta Totok in Mokawasa notuḷung kon inia.

SAMUEL 2 7:9

Sinakinan-Ku in iko kon ondakabí in binayáanmu, bo bayongan in musungmu aindon sinoko yompat-Ku kon dodai in iko noparang. Iko in baḻíon-Kudon ponango-nangoian ná itoi mita inta totok in moḷoben kon dunia.

SAMUEL 2 8:14

Noposindog in sia in ḷoḷaigan mita in tontara kon bayongan in Edom, bo intau mita in Edom tatua notoguondokdon kon inia. Ki Tuhan in nopountung kon i Daud kon ondaka in bayáannea poparangan.

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

SAMUEL 2 8:7

Kaḻeaw mita inta pinomia nongkon buḷawan inta pinaké in tontara i Hadadezer inagow in Daud bo dinia kon Yerusalem.

DATU MITA IMITÁNEA 4:21

Batúan in motoḷuadí oyúonbí in gobá in anggur bo gobá in ara. Kinoouputbí in kinobiagan i Salomo rayat kon bayongan in Yohuda bo Israel nongkon Dan nodapot in Bersyeba nobiag noaman bo notompia. Sin, bayongan in datu kon dotá in toyopan in Eprat notoguondok kon inia, bo bayongan in bangusa nongkon negara mita inta kon diugmai in dodatuan nea noyobayat takinnea. Butá kon dotá in toyopan kon Ongkag in Eprat nongkon Tipsah kon bingkí in Ongkag in Eprat minayá in toyopan ná kotá in Gaza kon Pilistin nodapot kon pinosigadan in Mesir, komintan kinawasa i Salomo. Bangusa mita kon butá tatua notoguondok kon inia bo moguboḻi kon iba. Bahan mita in kaanon inta paraḷuon i Salomo muḷoi in singgai in 5.000 noliter in topong inta moyimok, 10.000 noliter in topong inta nogoros, 10 in sapi kinobang, 20 in sapi kon popokaannea, bo 100 in domba. Koḻikud intua, rusa doman, rusa koḷakian, menjangan bo biag ḷumoḷayug.

DATU MITA 2 1:1

Naonda in minatoi mako in ki Ahab datu in Israel, intau mita in Moab in nomarontak kon Israel.

DATU MITA 2 14:28

Ouman ibanea kon i Datu Yerobeam II, inta kobobaraninea kon poparangan mita bo naonda in pinogogagownea bui kon Damsyik bo Hamat nongkon Yohuda bo pinobui kon Israel, tua komintan in pinais kon bonu in buk Ouman in Datu mita in Israel.

DATU MITA 2 18:7

Tuamai in ki Tuhan umuran motuḷung kon inia dá bayongan inta ḷongasionnea in nodaitbí kodapotan. Sia in nomarontak kon i datu in Asyur, bo doíbí tumungkud kon inia.

DATU MITA 2 3:4

Ki Datu Mesa nongkon Moab in nonombobiagon kon domba inta moantó. Nobaḻí pajak kon i datu in Israel, muḷoi in taong musti in sia mobogoi in 100.000 in ki adí in domba bo bubuḷ doman in domba nongkon domba koḷakian 100.000.

TAWARIKH 1 18:13

bo noposindog in ḷoḷaigan mita in tontara kon bayongan in Edom. Dá notoguondokdon in intau mita in Edom kon i Datu Daud. Ki Tuhan nobogoi in kauntungan kon i Daud kon ondaka in bayáannea poparangan.

TAWARIKH 2 17:2

Sinampatneadon in tontara kon bayongan in kotá inta dininding kon Yohuda, bo kon butá mita inta kon ḷuai in kotá kon Yohuda, bo kon kotá mita inta inagow i amánea kon butá in Epraim.

MAZMUR 140:7

O Tuhan, gumanku: Ikobí in ki Allahku, indongogaipa kaasí in sambayang oigumku.

MAZMUR 60:10

Táe Moab in pomomataan-Ku kon sioḷ; Akuoi in monggiow kon kinountungan kon Pilistea. Edom in pinopogambatan-Ku in aip in sioḷ-Ku nobaḻí tomponuot kon sia in Akuoi in kitogi.”

AMSAL 21:31

Umpakabí parang sinontouḷutan in kabaḷo in parang, inta monantú kon kauntungan in ki Tuhanbí.

SAMUEL 1 13:3

Onda intua ki Yonatan nonaḷow kon itoi in tontara in Pilistin inta kon Geba, bo kinodongogandon in bangusa Pilistin intua. Bo ki Saul nogirup in torompet kon bayongan in butá tatua sin mogoiní kon intau mita in Ibrani mayá moparang.

SAMUEL 1 14:1

Kon singgai tobatú ki Yonatan noguman kon tayowmobiag inta nodia kon ḷoḷutamnea, “Igaidon mayá in kita kon poḷoḷukadan in intau in Pilistin kon ḷoḷanmai tatua!” Táe diábí in sia noguman muna kon i amánea.

SAMUEL 1 14:15

Onu inta nobaḻí tatua nokodoḻiok kon intau in Pilistin kon pinononḷoḷaigan bo kon popokaanan mita in bobiagon. Bayongan rayat in Pilistin takin tampat mita poḷoḷukadan bo paanan mita in mogogagow noondokdon; nodapot in butá nodandú, bo totokdon in nodowawá.

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”