SAMUEL 2 8:11 - Alkitab Singog In Mongondow Masa In Tanaa

^11-12 Ki Datu Daud in noposumba in bayongan tombuinag tatua kon i Tuhan sin pakéon kon bonu in upacara poibadaan. Natua doman in pinogogaidnea kon bayongan pakakat buḷawan bo saḷaka inta ain inagownea nongkon i Hadadezer bo bangusa mita inta sinaḷownea, inta bangusa in Edom, Moab, Amon, Pilistin bo Amalek.

SAMUEL 2 8:11 ပူးပေါင်းရင်းမြစ်များ

SAMUEL 2 8:10

Dá nopotabá in sia kon i Yoram ki adínea ḷoḷaki sin mopoyaput in salam kon i Datu Daud bo mopoyaput in tosingogon saḷamat kon kinountungannea tatua, sin ki Hadadezer in mokakitdon in moparang takin i Tou. Ki Yoram in namangoi kon i Daud kodia-dia in tombuinag nobayong nongkon buḷawan, saḷaka bo bitú.

DATU MITA IMITÁNEA 7:51

Naonda in ki Datu Salomo nopaḷut noposindog in Baḷoi Tuhan, sinagúnea kon bonu in gudang mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

TAWARIKH 1 18:11

Ki Datu Daud in noposumba in bayongan tombuinag tatua kon i Tuhan sin pakéon kon bonu in upacara ibada. Natua doman in inaidannea kon pakakat mita buḷawan bo saḷaka inta ain inagownea nongkon i Hadadezer bo bangusa mita inta sinaḷownea, tuata in bangusa Edom, Moab, Amon, Pilistin bo Amalek.

TAWARIKH 1 29:2

Bahan mita pakéon kon baḷoi tatua takin pakakatnea mita in sinadiakudon muna onda inta kinomampuanku sinadia. Akuoi in noposadiadon in buḷawan, saḷaka, bitú uatoi, kayu, batu mita koboḻi bo batu mita permata, batu mita inta noyagi-yagimai in batangannea sin mobaḻí ḷambá mita bo nobayong totok in batu pualam.

TAWARIKH 2 5:1

Naonda in ki Datu Salomo nopaḷut noposindog in Baḷoi Tuhan tatua, sinagúnea kon bonu in ontag mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

MIKHA 4:13

Ki Tuhan in noguman, “Ei intau in Yerusalem, bayádon bo ritakaidon in musungmu mita! Baḻíon-Kubí moropot in moiko naonda bo sapi inta tungoinea uatoi bo konukunea in bitú. Moiko in morimumudbí kon mobayong in bangusa, bo kaoyúonan inta nouḻí monia kon pinogagowan in posumbabí monimu kon i-Nakó, ki Tuhan in dunia naa.”