SAMUEL 2 7:9 - Alkitab Singog In Mongondow Masa In Tanaa

⁹ Sinakinan-Ku in iko kon ondakabí in binayáanmu, bo bayongan in musungmu aindon sinoko yompat-Ku kon dodai in iko noparang. Iko in baḻíon-Kudon ponango-nangoian ná itoi mita inta totok in moḷoben kon dunia.

SAMUEL 2 7:9 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

SAMUEL 2 22:1

Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

SAMUEL 2 22:30

Inogoian-Mu in ropot in akuoi sin moyompat kon musung; takin totuḷung i Allahku dinangatanku in poḷoḷukadan monia.

SAMUEL 2 22:43

Mosia in irimumudku naonda bo ḷobud inta noitabud, bo sinimpatanku naonda bo yoná kon daḷan.

SAMUEL 2 23:1

Ki Daud adí i Isai in piniḻí nobaḻí datu bo binaḻí intau moḷoben i Allah Yakub. Sia doman in nongarang kon dondong mita kon Israel. Naa in tosingogon i Daud imbuitnea:

SAMUEL 2 5:10

Koonggot-koonggot koropot-koropotdon in ki Daud, sin ki Tuhan, Allah Inta Totok in Mokawasa notuḷung kon inia.

SAMUEL 2 8:13

Tangoi i Daud nodungangdon ponango-nangoian kon dodai in sia nobui naonda in noḻimod kon 18.000 in intau in Edom kon Ḷopá in Asin.

SAMUEL 2 8:14

Noposindog in sia in ḷoḷaigan mita in tontara kon bayongan in Edom, bo intau mita in Edom tatua notoguondokdon kon inia. Ki Tuhan in nopountung kon i Daud kon ondaka in bayáannea poparangan.

SAMUEL 2 8:6

Onda intua ki Daud noposindog in ḷoḷaigan mita in tontara kon bonu in butá monia, bo motoguondok in mosia bo moguboḻi kon pajak kon inia. Ki Tuhan in nopountung kon i Daud kon ondakabí in bayáannea poparangan.

TAWARIKH 1 17:8

Akuoi in notuḷungdon kon inimu kon ondakabí in bayáanmu, bo bayongan in musungmu iyompat-Ku kon dodai in iko noparang. Iko in baḻíon-Ku ponango-nangoian ná itoi mita inta totok in mongokawasa mita kon dunia.

MAZMUR 21:6

Popisí in totuḷung-Mu dá nobaḻí in sia totok in ihoromat, binaḻí-Mu in sia ponango-nangoian bo motarimbuka mako.

MAZMUR 89:23

Sia in diá taḷowon in musung, bo diábí doroton in intau moraat.

LUKAS 1:52

Datu mita in dunia naa poponagon-Nea mita nongkon tampat pomomarentaan monia, táe intau mita inta moompá in dodia in poḷantudon-Nea.

YOSUA 6:27

Ki Tuhan umuran kotaki-takin i Yosua, bo tangoi i Yosua kino tango-tangoiandon kon butá tatua.

SAMUEL 1 18:14

Umuran in sia mokoḷapat kon bayongan in oaidannea, sin ki Tuhan in notuḷung kon inia.

SAMUEL 1 18:30

Pomuḷoi in aka tontara in Pilistin mamangoi monubu, i Daud in mobayo-bayong in ḻimodon nongkon porwira mita i Saul inta ibanea. Dá totokdon in ponango-nangoian in ki i Daud.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.

SAMUEL 1 31:6

Natuata in kinopopatoi i Saul takin i adínea ḷoḷaki toḷu, bo bayongan in intaunea bo tayowmobiag tatua in minatoi tosinggai monag tua.

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”