SAMUEL 2 7:27 - Alkitab Singog In Mongondow Masa In Tanaa

²⁷ Tuhan Inta Totok in Mokawasa! Nokopobaranidon in akuoi in nopoyaput in sambayangku tanaa kon ini-Mu, sin Ikodon tontaní in nopotaau kon inakó kon adí bo ompuku bo namonag in baḻíon-Mu datu kon bangusa tanaa.

SAMUEL 2 7:27 ပူးပေါင်းရင်းမြစ်များ

DATU MITA IMITÁNEA 11:38

Aka iko, ná mogogundoi-Ku ki Daud, motoindudui totu-totuu kon i-Nakó bo mobiag podudui in hukum-Ku mita, bo mokosanang kon gina-Ku takin mopoaid in bayongan inta pinarenta-Ku kon inimu, dá Akuoi in umuranbí moyotakinmu. Baḻíon-Kubí in iko datu kon Israel. Jaminon-Kubí kon buímu in mobaḻíbí datu in Israel momaḷui kon inimu, notongkai ná inta pinomia-Ku kon i Daud.

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

MAZMUR 40:6

Tuhan, totuu mobayong in inaidan-Mu kon inami, o Tuhan Allahku, diábí in motaau popotongkaian kon ini-Mu! Nobayongbí in tomayá-Mu inta mokoherang kon inami, diábí kooumanan komintan.

RUT 4:4

Bo rasaanku in mustibí kotaauanmu in tua. Aka moibog in iko motaḷui kon tua, yo pogumandon kon tayowon in intau mita inta iḻimitú kon naa. Aka diá, yo pogumandon moyogintayowan doman mako naa, sin tongábí kitada in oyúon hak kon tua; iko in muna-munamai, akuoi in nogindua.” Tubag in intau tatua, “Oo, taḷuionku intua.”

SAMUEL 1 2:35

Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.

SAMUEL 1 9:15

Táe tosinggai noiuna kon tua ki Tuhan ain nobogoi in koyow kon i Samuel nanaa,