SAMUEL 2 7:23 - Alkitab Singog In Mongondow Masa In Tanaa

²³ Kon dunia naa in diábí in bangusa ná Israel. Tongábí Israel tuata in bangusa inta ain pinoḷuat-Mu nongkon pinononggataan sin mobaḻí umat-Mu tontaní. Bayongan in aid moḷoben bo inta mokoherang inta pinomia-Mu kon i monia, mopobaḻí kon tangoi-Mu ponango-nangoian kon dunia. Bangusa mita ibanea takin dewa mita monia aindon inuntun-Mu kon tungkuḷ in umat-Mu minayá noparang.

SAMUEL 2 7:23 ပူးပေါင်းရင်းမြစ်များ

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

TAWARIKH 1 17:21

Kon sinangkub in dunia naa diábí in bangusa in ná Israel. Israel in bangusa tobatú inta pinoḷuat-Mu nongkon pinononggataan sin baḻíondon umat-Mu tontaní. Bayongan oaidan moḷoben bo inta mokoherang inta Inaidan-Mu kon i monia nokobaḻídon kon tangoi-Mu ponango-nangoian kon sinangkub in dunia. Pinoḷuat-Mu in umat-Mu nongkon Mesir, bo nopoguntun in bangusa mita ibanea kon tungkuḷ in umat-Mu minayá noparang.

NEHEMIA 1:10

Tuhan, kami naa in mogogundoi-Mu mita, umat-Mu tontaní inta pinosaḷamat-Mu pinongin kawasa bo ropot-Mu inta motoyang.

MAZMUR 106:22

Totuu motoyang in aid-Nea mita kon butá tatua, mokotongaw onu in inaidan-Nea kon Dagat in Gelagah.

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

MAZMUR 145:6

Mosia in mopotaa-taaubí mako in aid-Mu mita inta motoyang, koḷoḷoben-Mu in pobaḷúku.

MAZMUR 147:20

Diábí intua inaidan-Nea kon bangusa mita ibanea, mosia in diábí nonotaau in hukum-Nea mita. Dayowdon in ki Tuhan!

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 33:16

Naondabí in kotaauan intau kon kinoibog-Mu in akuoi bo bangusa tanaa aka Iko diá motuḷung kon inami? Aka ki Tuhan kotaki-takin nami yo tua in mopoyoposi kon inami takin bangusa mita ibanea kon dunia naa.”

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

IḶUAIAN 9:15

Sin aka kuma Akuoi in noibog nohukum kon inimu bo rayatmu pinongin takit, yo noyopúdon komintan in moiko.

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

YEREMIA 32:20

Dungkuḷmai Iko in nogaid kon inta mokoherang bo soaḷ mita inta diá in poḻiu kon Mesir, bo dapot in tanaa doman Iko in umuranpabí doman mogaid kon natua, pinomayá kon sigad in intau in Israel andeka kon sigad in bayongan in bangusa ibanea. Tuamai tanaa Iko in ponango-nangoian kon bayongan tampat.

YEREMIA 32:21

Pinongin kawasa bo ropot-Mu inta moḷoben Iko in nodia kon umat in Israel iḻumuai nongkon Mesir. Iko in nogaid kon inta mujizat mita bo inta mokoherang bo aid mita inta mokodoḻiok kon musung.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

PINOGIAPAN 6:27

Bo ki Tuhan noguman, “Aka mosia monangoi kon tangoi-Ku sin momarakat kon bangusa Israel, yo barakatan-Ku in mosia.”

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

ULANGAN 10:21

Dayowdon in Sia sin Sia in ki Allahmu. Moikodon tontaní in nokoontong kon onu in pinomia-Nea inta motoyang bo mokoondok inta pinomia-Nea sin motuḷung kon i monimu.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

ULANGAN 9:26

bo nosambayang nanaa: O Tuhan Inta Totok in Moḷantud, dikadon yopúon in umat kapunyaan-Mu tanaa, bangusa inta pinoḷuat-Mudon bo dinia-Mu iḻumuai nongkon Mesir takin ropot bo kawasa-Mu inta moḷoben.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.