SAMUEL 2 7:19 - Alkitab Singog In Mongondow Masa In Tanaa

¹⁹ Nodapot in Iko nomia kon noiḻiubí totok nongkon tua, o Tuhan Inta Totok in Moḷantud; Iko ain nomia kon dandi kon buíku inta kobayáan kon singgai moiduduimai. Bo pinoontong-Mu intua kon inakó, umpakabí akuoi naa in tongá intau, o Tuhan Inta Totok in Moḷantud!

SAMUEL 2 7:19 ပူးပေါင်းရင်းမြစ်များ

SAMUEL 2 12:8

Dodatuan i Saul bo ki buḷoinea mita in inogoi-Kudon kon inimu, nodapotdon in dinuí-Kudon in iko nobaḻí datu kon Israel bo kon Yohuda. Aka tua bo diápa doman tugat, yo notantú bidon kon ogoi-Kudon kon inimu podudui in ibogmu tua.

DATU MITA 2 3:18

Bo ki Elisa in noguman bui, “Táe tua in tongábí pelekara mointok i Tuhan. Popountungneabí in moiko nongkon intau mita in Moab.

TAWARIKH 1 17:17

Noidapotbí in Iko nogaid noiḻiu kon tua, Iko in nomiadon kon dandi soaḷ buíku kon singgai moiduduimai. Nodapot in pinomia-Mudon in akuoi nobaḻí intau moḷoben.

MAZMUR 36:7

Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o Tuhan.

YEHEZKIEL 34:18

Kon sigad monimu oyúon in diá moorop aka tongá mokaan kon bonok inta totok in moḷumbá, táe poḷatbí moruntai kon bonok inta diá kinaan monia! Mosia in nonginum kon tubig inta nosilang bo mopaḷut mako moḷobog kon tubig inta diá ininum monia!

PINOGIAPAN 16:13

Eta diápa tugat in pinogoiníanmu kon inami iḻumuai nongkon butá in Mesir inta mopia tatua sin moḻimod kon inami kon padang gurun tanaa? Yo mustipa doman iko momarenta kon inami?

PINOGIAPAN 16:9

Degá pinikirmai monimu soaḷbí mointok in pinomiḻían i Allah Israel kon i monimu nongkon sigad in intau mita in Israel sinbá motaau dimiug kon i-Nia, bo mopobayá in oaidan-Nea kon Ḷoḷaigan-Nea, poḷat mogaid kon kopontingan umat Israel bo mogundoi kon i monia?

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”