SAMUEL 2 7:16 - Alkitab Singog In Mongondow Masa In Tanaa

¹⁶ Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

SAMUEL 2 7:16 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

SAMUEL 2 22:51

Ki Allah in nobogoi in kauntungan moḷoben kon datu inta dinuí-Nea, Sia in umuranbí motabi kon intau inta piniḻí-Nea, ki Daud bo buínea in umur mononoi.

SAMUEL 2 7:17

Bo pinotaau i Natan kon i Daud in bayongan inta pinoniata i Allah kon inia.

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA IMITÁNEA 9:5

dá intompodan-Kubí in dandi-Ku kon i amámu ki Daud kon adí bo ompunea namonag in umuranbí momarenta kon Israel.

DATU MITA 2 19:34

Kotá in Yerusalem in tuḷungan-Kubí bo ḷukadan-Ku sin moḷukad kon tangoi-Ku bo podoyon doman kon dodandian-Ku takin in mogogundoi-Ku ki Daud.’ ”

DATU MITA 2 8:19

Táe ki Tuhan in doíbí moyopú kon Yohuda sin nongibotdon in Sia kon i Daud mogogundoi-Nea, kon buínea in umuranbí mobaḻí datu.

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

AYUB 36:7

Intau mita mojujur inindoian-Nea, binaḻí-Nea in mosia mongawasa ná datu mita, dá mosia in umuran ihoromat.

MAZMUR 45:6

Piotmu inta moḷanit moiḷambai kon putú in musungmu, bangusa mita in moḷabú kon tayowon in sioḷmu.

MAZMUR 72:5

Igumon mako sia in umuranpa mokotongod modapot in adí bo ompu kon tungkuḷ in oyúonpa in mata in singgai bo buḷan.

MAZMUR 89:4

Iko in noguman, “Akuoi in nogaidon kon dodandian takin intau inta piniḻí-Ku; Akuoi in nongibotdon kon i Daud, mogogundoi-Ku:

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 17:25

Aka moiko totu-totuu mopobayá in parenta-Ku mita tatua, dá datu mita bo pojabat mita inta nomarenta ná ki Daud in tumuotbí kon bonawang mita in kotá in Yerusalem. Mosia moyotakin in intau in Yohuda bo intau in Yerusalem, in tumakoibí kon roda inugut in kabaḷo, dá kotá in Yerusalem moramedon totok.

YEREMIA 33:17

Akuoi, ki Tuhan, modandi kon umuran oyúon in intau tobatú nongkon buí i Daud inta mobaḻí datu in Israel;

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

YOHANES 12:34

Intau mobayong kon tua noguman kon i-Nia, “Podudui kon Buk Hukum in agama nami, Datu Mopoposaḷamat tua in mobiagbí mononoi. Yo nongonu sin Iko in mogumanbí kon ki Adí Intau in poḷantudonbí kon dunia naa? Ki inebí in ki Adí Intau tatua?”

IBRANI 1:8

Táe ki Allah in noguman kon i Adí-Nea nanaa: “Ḷoḻitúan pomomarentaan-Mu, umuranbí mononoi! Moadil totok in pomomarenta-Mu.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.