SAMUEL 2 7:15 - Alkitab Singog In Mongondow Masa In Tanaa

¹⁵ Táe tabi-Ku kon inia in diábí moinggamá podudui in dandi-Ku. Dandi-Ku kon inia in umuran-Kubí kadaian, diábí ná inta ain pinomia-Ku kon i Saul inta ain inindoí-Ku nongkon ḷoḻitúannea sinbá iko in motaau mobaḻí datu.

SAMUEL 2 7:15 ပူးပေါင်းရင်းမြစ်များ

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

DATU MITA IMITÁNEA 11:13

Táe diábí modait-Ku gamáan in bayongan dodatuan tatua nongkon inia. Popisí in mogogundoi-Ku ki Daud bo Yerusalem inta ain binaḻí-Ku kotá-Ku tatua, tonggagatan-Kupabí in suku tobatú inta ogoi kon i adímu ḷoḷaki.”

MAZMUR 89:28

Baḻíon-Kubí in sia ki adí-Ku ḷoḷaki guya-guyang, inta moiḻiu in ḷantud nongkon bayongan in datu.

MAZMUR 89:31

Táe aka buínea bo ḻimimpat kon hukum-Ku, bo diá mobiag podudui in parenta-Ku,

MAZMUR 89:33

yo mosia in hukumon-Ku in sambok popisí in iḻimimpatdon, bo popoumaan-Ku in bodito popisí in dosanea mita.

MAZMUR 89:34

Táe Akuoi in umuranbí motabi kon i Daud, bo diábí monaḷámai kon kososatia-Ku.

MAZMUR 89:49

Ki inebí in motaau umuran mobiag bo diá mato-matoi? Ki ine in mokoḷagui nongkon poḷoḷobongan?

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 9:7

Ki Tuhan ain nopoḷabú in hukuman kon dodatuan in Israel.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

SAMUEL 1 15:26

Táe ki Samuel in notubag, “Akuoi in doí bidon mobui mangoi moyotakin i Tuang Datu. Ki Tuang ain noḷawang kon parenta i Tuhan, bo tanaa mako in diá bidon akúon-Nea in ki Tuang saḷaku datu in Israel.”

SAMUEL 1 15:28

Bo noguman in ki Samuel kon inia, “Kon singgai in naa ki Tuhan ain nomerak kon dodatuan in Israel nongkon i Tuang, bo nobogoi kon intau ibanea inta mopia-pia nongkon i Tuang.

SAMUEL 1 16:14

Kon dodai intua ki Saul sinaḷáandon in Roho i Tuhan, bo tanaa in sia tuyayowondon in dimukud moraat inta pinotabá i Tuhan.

SAMUEL 1 19:24

Naonda in noyaput intua, sia in noḷongkut kon pakeangnea bo notayok sindaḷan momaḷú kon tayowon i Samuel, bo noumpag kon butá takin diá koḷambu-ḷambung tosinggai bo tonggobii tua. (Naa in pinomangkoian in toḻibag inta noguman, “Nobaḻí domandon nabi degá in ki Saul?”)