SAMUEL 2 7:12 - Alkitab Singog In Mongondow Masa In Tanaa

^12-13 Kon singgai moiduduimai, aka wakutumudon matoi, bo iko in ḷobongon kon pinoḷobongan kon mogoguyangmu, ki adímu ḷoḷaki in duíon-Ku mobaḻí datu. Siadon tua in momia kon baḷoi kon i-Nakó. Dodatuan-Nea in irigonan-Ku bo kon kinoouputbí in dunia naa tobatú buínea in momarenta mobaḻí datu.

SAMUEL 2 7:12 ပူးပေါင်းရင်းမြစ်များ

KINOBAḺIAN 15:4

Onda intua ki Abram nokodongog ki Tuhan in noguman bui kon inia, “Deemanbí bobantungmu in motarima kon kapunyaanmu, táe ki adímubí tontaní inta ḷoḷaki.”

SAMUEL 2 22:51

Ki Allah in nobogoi in kauntungan moḷoben kon datu inta dinuí-Nea, Sia in umuranbí motabi kon intau inta piniḻí-Nea, ki Daud bo buínea in umur mononoi.

DATU MITA IMITÁNEA 1:21

Aka diá in kotantúan in tosingogon i Tuang datu, dá notantú bidon kon naonda in ki tuang datu matoi, akuoi bo ki adíku ḷoḷaki in pomiaan naonda bo moḷoḷawang.”

DATU MITA IMITÁNEA 1:48

bo nosambayang, ‘Dinayo-dayowdon in iko, o Tuhan, Allah inta sinumba in umat Israel. Singgai in naa intau tobatú nongkon buíku aindon dinuí-Mu nobaḻí datu nonoḻiu kon inakó. Bo akuoi in inogoian-Mupa in kobiagan noindoi kon tua!’ ”

DATU MITA IMITÁNEA 2:1

Naonda in motoyongdon matoi, ki Daud nogoiní kon i Salomo, adínea ḷoḷaki, bo nopoyaput in koyownea mita pangabisan. Ki Daud in noguman,

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

DATU MITA IMITÁNEA 8:15

Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”

DATU MITA IMITÁNEA 8:19

Tongá, deemanbí iko, táe ki adímubí in moposindog in baḷoi-Ku tatua.’

DATU MITA IMITÁNEA 8:20

Tanaa in ki Tuhan in nogintompodon kon dandi-Nea. Akuoi ain nobaḻí datu in Israel nomaḷui kon i amáku, bo akuoi in noposindog domandon in baḷoi pososumbaan kon i Tuhan, Allah in Israel.

DATU MITA IMITÁNEA 9:5

dá intompodan-Kubí in dandi-Ku kon i amámu ki Daud kon adí bo ompunea namonag in umuranbí momarenta kon Israel.

DATU MITA 2 8:19

Táe ki Tuhan in doíbí moyopú kon Yohuda sin nongibotdon in Sia kon i Daud mogogundoi-Nea, kon buínea in umuranbí mobaḻí datu.

TAWARIKH 1 17:11

Kon singgai moiduduimai, aka modapotdon in wakutumu matoi bo ḷobongon in iko kon poḷoḷobongan in mogoguyangmu, adímu ḷoḷaki tobatú in baḻíon-Kudon datu. Siadon in moposindog in baḷoi kon i-Nakó. Dodatuan nea in irigonan, bo kon kinoouput in dunia naa tobatú nongkon buínea in momarenta mobaḻí datu.

TAWARIKH 2 1:9

Tanaa, o Tuhan Allah, igumon intompodan-Mudon in dandi-Mu kon i amáku. Dinuí-Mudon in akuoi nobaḻí datu in bangusa inta moḷoben tanaa inta diádon koiapan in kobayongnea.

TAWARIKH 2 13:5

Kinotaauan monimu kon ki Tuhan, Allah Israel, ain nogaid kon dandi takin i Daud kon sia bo buínea in umuranbí momarenta kon Israel modapot in mononoi. Dandi tatua in diábí motaau inggamáan.

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

TAWARIKH 2 23:3

Mosia in noyosipun kon Baḷoi Tuhan, bo nogaid kon dodandian takin i Yoas, ki adí ḷoḷaki i datu tua. Ki Yoyada in noguman kon i monia, “Naadon in ki adí i Datu Ahazia inta ain minatoi! Tanaaya mustibí in sia moponik kon ḷoḻitúan in datu, sin ki Tuhan in nodandidon kon buí i Datu Daud in umuranbí momarenta.

TAWARIKH 2 6:15

Iko in nogintompodon kon dandi-Mu kon i amáku ki Daud. Onu in pinodandi-Mu tua inaidan-Mudon singgai in naa.

TAWARIKH 2 6:9

Táe, deemanbí iko, táe ki adímubí in moposindog in baḷoi-Ku tua.’

MAZMUR 89:29

Sia in tantúbí kotabi-Ku modapot in mononoi, dodandian-Ku takinnea in umuranbí morigon.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 33:17

Akuoi, ki Tuhan, modandi kon umuran oyúon in intau tobatú nongkon buí i Daud inta mobaḻí datu in Israel;

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MATIUS 1:1

Nanaa in asaḷ-usuḷ i Yesus Kristus, buí i Daud inta buí i Abraham.

LUKAS 1:32

Sia in mobaḻí intau moḷoben bo tangoion ki Adí i Allah Inta Totok in moḷantud. Baḻíon i Allah in Sia Datu naonda bo ki Daud ki ḷaki-Nea.

LUKAS 24:27

Onda intua nodait-Nea ininsilangan kon i monia in bayongan onu inta pinais kon Buk Motusi soaḷ Sia. Pinangkoi kon inta pinais i Musa nodapot in buk in nabi mita.

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

OUMAN IN RASUL MITA 2:30

Sia naa in tobatú nabi inta nonotaau kon ki Allah aindon nodandi pinodoyon kon ibot kon inia kon oyúon in buínea in baḻíon i Allah Datu.

KORINTUS 1 15:51

Tarukira in rahasia tanaa: Kita in diábí matoi komintan, táe kita in daitonbí baḷuian.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

TESALONIKA 1 4:14

Kita in mopirisaya kon ki Yesus ain minatoi, táe nobiagbí bui. Tuamai kita in mopirisaya doman, kon biagonbí bui i Allah in bayongan intau inta mopirisaya kon i Yesus Kristus inta ain minatoi bo mosia in mobiag moyotakin-Nea.