SAMUEL 2 7:10 - Alkitab Singog In Mongondow Masa In Tanaa

^10-11 Apa doman, kon umat-Ku Israel aindon pinosadiaan-Ku kon tampat bo pinoki utunan-Kudon motantú in mosia kon tua, sinbá mosia in mokorasadon kon kobiagan inta mopia, diádon tuyayowon bui. Nongkon kinoangoian monia kon butá tanaa koḻipod, bo dinuí-Kudon in itoi mita kon i monia, mosia tantú tubuon in intau mita inta mongoromú, táe tua in diá bidon mobaḻí bui. Akuoi in modandi kon iko in moiḷuat bidon nongkon bayongan musung, bo Akuoi in mobogoidon in buí kon inimu.

SAMUEL 2 7:10 ပူးပေါင်းရင်းမြစ်များ

DATU MITA 2 21:8

Bo aka umat in Israel motoindudui kon bayongan in parenta-Ku bo dumudui kon hukum mita inta inogoi i Musa mogogundoi-Ku kon i monia, dá Akuoi in diábí mopomayá mako kon i monia poguntunon nongkon butá inta ain inogoi-Ku kon mogoguyang monia.”

TAWARIKH 1 17:9

Umat-Ku Israel in pinosadiaan-Kudon kon tampat inta mobaḻí butá monia sinbá mosia in mobiagdon mopia bo diádon tuyayowon bui. Pinangkoi kon kinoangoian monia kon butá tanaa, koḻipod, bo kon dodai in mosia diápa in datu, mosia in sinubu in intau mita inta moibog in aid motogat. Táe tua in diá bidon mobaḻí bui. Akuoi in modandi kon monaḷowbí kon bayongan in musungmu, bo Akuoi in mobogoibí in buí kon inimu.

TAWARIKH 2 33:8

Aka umat in Israel motoindudui kon bayongan in parenta-Ku bo dumududui kon hukum mita inta inogoi i Musa mogogundoi-Ku kon i monia, dá Akuoi in diábí mopomayá mako kon i monia poguntunon nongkon butá inta ain inogoi-Ku kon mogoguyang monia.”

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 44:4

Butá tatua in diábí inagow monia nopomaké in kedang; diábí doman ropot monia tontaní in nokopountung kon i monia, táe pinodoyonbí kon kawasa bo sindar in kinoangoian-Mu, sin noibog in Iko notuḷung kon umat-Mu.

MAZMUR 80:8

O Allah Inta Totok in mokawasa, tompiadon bui in kami; bobuidon in kami takin pia in gina, sinbá mosaḷamat in kami.

MAZMUR 80:9

Umat-Mu in naonda bo pangkoi in anggur inta pinamping-Mu nongkon Mesir. Bangusa mita ibanea inuntun-Mu, bo pinomuḷa-Mu in pangkoi mita in kayu tatua kon butá monia.

IḶUAIAN 1:22

Dá ki datu in nomarenta nanaa kon bayongan in rayatnea, “Bayongan adí ḷoḷaki intau Ibrani inta bagu pinononggadí musti pogonag kon Ongkag in Nil, táe bayongan adí monia bobay pomayádon mako in mobiag.”

IḶUAIAN 15:17

Bo Israel inatod-Mu kon tampat inta piniḻí-Mu popoutunan. Mosia in nogutun kon buḷud-Mu inta motusi, kon Baḷoi inta pinosindog-Mu takin ropot-Mu.

YESAYA 5:2

Sia in nomasoḷ kon butánea bo moḷumbú kon batunea mita. Pinomuḷanea in anggur inta notompiḻí pinosindognea in ḷangkeang poḷoḷukadan. Pinongaḻiannea kon bubú tobatú pomomugutan kon anggurnea, bo nogoḷat in sia kon bungainea moḷutú, táe nomungai in sia in bungai in anggur inta noirat.

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YEREMIA 18:9

Noyotoḻikud kon tua, aka Akuoi monantúdon kon moposindog andeka moginrigon kon bangusa tobatú andeka dodatuan,

YEREMIA 24:6

Akuoi in moḷukadbí kon i monia bo modia kon i monia mobui mangoi kon butá tanaa. Akuoi in moposindogbí bui, deemanbí morumbun kon i monia; Akuoi in momuḷabí, deemanbí morabut kon i monia.

YEHEZKIEL 28:24

Ki Tuhan in noguman, “Ḻipú mita topodiugmai inta nokoimontandon in noningkuḻe kon Israel, diábí mobaḻí ná dugi inta mokoyaat kon gina in Israel. Mosadar bidon in mosia kon Akuoibí in ki Tuhan Inta Totok in moḷantud.”

HOSEA 2:18

Kon dodai intua Akuoi in momia kon dodandian takin bayongan in mahaḷuk sinbá mosia in dika monuyayow kon umat-Ku. Akuoi mopogogaibí in bayongan parang bo moposí in pakakat mita in parang nongkon butá in umat-Ku tatua, bo momaḻí kon i monia mobiag motompia bo moaman.

AMOS 9:15

Popoutun-Kubí in umat-Ku kon butá inta ain inogoi-Ku kon i monia. Mosia in diá bidon rabuton nongkon tua. Akuoi ki Tuhan Allah monia ain nosingog.”

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

HAKIM MITA 4:3

Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

SAMUEL 1 13:17

Kon dodai intua toḷu nopaanan in mogogagow intau in Pilistin in nobuat nongkon pinononḷoḷaigan in Pilistin sin mayá mogagow; paanan inta tobatú in minayá ná Opra kon butá in Syual,