SAMUEL 2 6:7 - Alkitab Singog In Mongondow Masa In Tanaa

⁷ Bo kon dodaipa doman tatua ki Tuhan sinumorú kon i Uza, sin aidnea tatua in mopoompábímai kon i Tuhan. Iḻimod-Nea in ki Uza kon tampat tatua, kon diug in Poti Dodandian.

SAMUEL 2 6:7 ပူးပေါင်းရင်းမြစ်များ

SAMUEL 2 6:8

Dá pinangkoi kon dodai intua tampat tatua sinangoian Peres-Uza. Ki Daud sinumorú sin ki Tuhan in noḻimod kon i Uza.

TAWARIKH 1 13:10

Kon dodai doman intua ki Tuhan sinumorú kon i Uza sin aidnea tatua in naonda bo mopoompámai kon i Tuhan. Bo iḻimod-Nea kon tua in ki Uza. Dá nongkon dodaidon intua tampat tatua sinangoian “Peres-Uza”. Ki Daud in sinumorú sin ki Tuhan noyopú kon i Uza.

TAWARIKH 1 15:13

Kon dodai in Poti tatua kon imitánea totok pinamping, moiko in diá in kon tua sin modia kon tua. Tuamai ki Tuhan, Allah naton, nohukum kon inaton sin kita in nosumba kon-Nia táe diá noidudui kon ibog-Nea.”

TAWARIKH 1 15:2

Ki Daud noguman, “Tongábí intau in Lewi in motaau mobuat kon Poti Dodandian i Tuhan, sin mosiabí tua inta piniḻí i Tuhan momotaan kon Poti tatua bo mogundoi kon i-Nia moidapot in mononoi.”

PINOGIAPAN 1:51

Aka moiko momamping, yo intau mita in Lewi tuata inta musti mongokai kon Ḷoḷaigan-Ku, bo bui moposindog intua kon ondaka in tampat mobagu inta kobayáan monia. Koḻikud in mosia tua, yo ki ineka in dimiug kon Ḷoḷaigan tatua mustibí hukumon matoi.

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

SAMUEL 1 25:38

Bo degá mopuḷúmai nosinggai nongkon tua ki Nabal bui pinopoangoian i Tuhan in nakit in putú dá minatoidon in sia.

SAMUEL 1 6:19

Táe popisí in intau mita in Bet-Semes tatua iḷumongow kon bonu in Poti Dodandian i Tuhan, dá pitu nopuḷú in intau kon sigad monia tua in iḻimod i Tuhan. Bo rayat nonogumatoi sin ki Tuhan nopouma in bodito inta námai tua in koḷoben.