SAMUEL 2 6:5 - Alkitab Singog In Mongondow Masa In Tanaa

⁵ Ki Daud bo bayongan in bangusa Israel minayá kon muna in Poti tatua sindaḷan motayok inimibo-ibogbí bo nodondong sin mohoromat kon i Tuhan. Nopogogitog in mosia in kecapi, gambus, rebana, kelentingan bo simbal.

SAMUEL 2 6:5 ပူးပေါင်းရင်းမြစ်များ

DATU MITA 2 3:15

Tanaa in diádon mangoi in intau tobatú inta motaau mopogogitog in kecapi.” Kon dodai in intau tatua mopogogitogmai in kecapinea, ki Elisa in kinawasa in Roho i Tuhan,

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

TAWARIKH 2 20:28

Naonda in nodapot kon kotá, mosia in nopipid nopobayá in Baḷoi Tuhan sinakinan in kecapi bo torompet.

MAZMUR 47:5

Piniḻí-Neadon kon inaton in butá budel naton, inta kinoyunggaga in bangusa inta kinotabi-Nea.

DANIEL 3:10

Ki Tuangku tontaní ain nopoḷuai in parenta kon naonda in pakakat mita in musik posingogon, bayongan in intau musti dumokó bo mosumba kon patong buḷawan tatua,

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 3:5

Aka torompet mosingog, duduian in pogirupan kon bansí, kecapi, rababo, gambus, serdam, bo pakakat mita in musik ibanea, yo tai utat mita in mustibí dumokó mosumba kon patong buḷawan inta ain pinosindog i Datu Nebukadnezar.

DANIEL 3:7

Dá naonda in nokodongog kon pakakat mita in musik tatua pinosingog, intau mita nongkon bayongan in bangusa, suku bangusa bo bahasa, dinumokó bo nosumba kon patong buḷawan tatua.

AMOS 5:23

Gogaiaidon in dondongmu mita inta mokobinim-biní tua; Akuoi in doíbí mokidongog kon pogogitoganmu kon kecapi.

AMOS 6:5

Mopia in gina monimu in momia kon dondong, ná inta inaidan i Daud, bo moiko in mopodondong in dondong tatua takinan in kecapi.

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.

SAMUEL 1 16:16

Aka moibog in ki Tuang, dá potayakandon nami kon intau tobatú inta mopia mopogogitog in kecapi. Aka dimukud moraat tatua monuyayowdon kon i Tuang Datu, dá intau tatua in mopogogitogdon in kecapinea, bo motompiadon bui in raian i Tuang Datu.”