SAMUEL 2 6:2 - Alkitab Singog In Mongondow Masa In Tanaa

² Mosia in dinianea nopobayá ná Baale-Yohuda, sin mayá intua mogamá kon Poti Dodandian inta dinonoi takin tangoi i Tuhan Inta Totok in Mokawasa inta nongawasa kon ḻimonik in kerub mita.

SAMUEL 2 6:2 ပူးပေါင်းရင်းမြစ်များ

SAMUEL 2 22:11

Sia in iḷumayug sinumakoi kon kerub; Sia in nogikoḻikip in tompot.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

YESAYA 47:4

Ki Allah mokudus in Israel in mopoḷuat kon i naton, tangoi-Nea in ki Tuhan Inta Totok in mokawasa.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YOSUA 15:60

Bo kotá doman doyowa noiduduimai naa takin ḻipú mita inta kon diugneamai: Kotá in Kiryat-Baal, (tuata in Kiryat-Yearim) bo Kotá in Raba.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.

SAMUEL 1 6:21

Bo nopotabá in mosia in intau minayá kon intau mita in Kiryat-Yearim takin koyow nanaa, “Intau mita in Pilistin nopobuidon in Poti Dodandian i Tuhan. Angoi bo diádon in poti tatua kon ḻipúmu.”

SAMUEL 1 7:1

Dá intau kon Kiryat-Yearim nogamá kon Poti Dodandian i Tuhan tatua bo dinia monia pinobayá in Baḷoi i Abinadab; baḷoi tatua in kon tudu in buḷud. Onda intua mosia noduí kon i Eleazar adí i Abinadab, sin mobaḻí moḷoḷukad kon Poti Dodandian tatua.