SAMUEL 2 6:14 - Alkitab Singog In Mongondow Masa In Tanaa

¹⁴ Onda intua notayokdon totok in ki Daud takin ḷunganga in gina sin mohoromat kon i Tuhan. Kon dodai intua tongá in sia nomaké in sosapi linen inta nopoḷok inta sinogot kon ogotannea.

SAMUEL 2 6:14 ပူးပေါင်းရင်းမြစ်များ

SAMUEL 2 6:15

Natuata in nobaḻí ki Daud bo bayongan in rayat in Israel nomamping kon Poti in Dodandian tatua kon Yerusalem, sinakinan in giow bo singog in torompet.

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

TAWARIKH 1 15:27

Kon dodai intua ki Daud nomaké in jubah nongkon kaeng linen moaḷus, natua doman in intau mita inta mopogogitog in musik bo ki Kenanya in nonongganut kon i monia takin intau mita in Lewi inta nobuat kon Poti Dodandian tatua. Ki Daud in nogiḷambung doman in ḷambung epod.

MAZMUR 149:3

Dayowdon in tangoi-Nea pongin tayok mita, dayowdon in Sia in kecapi bo rebana!

MAZMUR 150:4

Dayowdon in Sia in rebana bo tayok, dayowdon in Sia in kecapi bo bansí.

MAZMUR 30:11

Indongogaipa, o Tuhan, bo kotabipa in akuoi. Tuhan tuḷungaipa kaasí in akuoi!”

MAZMUR 87:7

Mosia in motayok bo mopodondongbí, “Sion in ḻipú kinoḷontaganku!”

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

IḶUAIAN 15:21

Ki Miryam nonongganut kon i monia nodondong, “Podondongdon kon i Tuhan, sin Sia in mokawasa totok. Bayongan in kabaḷo bo mododianea pinogarab-Nea kon bonu in dagat tatua.”

IḶUAIAN 19:6

bo sinondí-Ku kon i-Nakó tontaní, bo moiko in mobantung kon i-Nakó mobaḻí imang mita.”

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEHEZKIEL 46:10

Mongongawasa in mustibí tumuot kon Baḷoi Tuhan moyotakin in rayat bo naonda in mobui mustibí doman moyotakin.

LUKAS 15:25

Koyogot in norame, ki adínea inta guya-guyang in kon gobápa. Naonda in sia nobui bo nodiugdon kon baḷoi, sia in nokodongog kon singog in musik pinoramean kon baḷoi monia.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

KOLOSE 3:23

Onukabí in pokiaid kon i monimu, aidaibí totu-totuu takin sanang gina, naonda bo mobantung kon i Tuhan, deemanbí tongá kon intau.

HAKIM MITA 11:34

Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

HAKIM MITA 21:21

bo poḷukadon kon tua. Bain aka mongodeaga mita in Silo ḷumuai sin momanari kon dodai in poramean taongan kon i Tuhan, moiko in mustidon ḷumuai nongkon gobá mita in anggur tatua. Bo kon batúannea in mustidon modomok kon mongodeaga tumongobatú kon sigad monia bo diaan monimu poḷagui kon butá in Benyamin sin baḻíon ki buḷoimu.

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.

SAMUEL 1 22:18

Tuamai in ki Saul noguman kon i Doëg, “Koḻikat! Ikodon in moḻimod kon i monia!” Dá inumunadon in ki Doëg bo noḻimod kon imang mita tatua. Kon singgai tatua sia nomatoidon kon waḷu nopuḷú in imang inta motaau mogiḷambung in ḷambung epod.