SAMUEL 2 6:13 - Alkitab Singog In Mongondow Masa In Tanaa

¹³ Naonda in intau mita inta nobuat kon Poti Dodandian tatua aindon onom noḷangkad in binayáan, pinoki gogaianpa i Daud in mosia. Bo noposumba in sia in kuruban kon i Tuhan, sosumbanea tua in sapi koḷakian bo ki adí in sapi inta iḷongóan.

SAMUEL 2 6:13 ပူးပေါင်းရင်းမြစ်များ

DATU MITA IMITÁNEA 8:5

Ki Datu Salomo bo bayongan rayat in Israel noyosipun kon tayowon in Poti Dodandian tatua bo noposumba kon i Tuhan in domba bo sapi inta diádon koiapan in kobayongnea.

TAWARIKH 1 15:15

Bo kon dodai in Poti tatua pinamping, mosia in nomotaan takin kayu pobobuḻigan podudui in atorang inta inogoi i Tuhan kon i Musa.

TAWARIKH 1 15:2

Ki Daud noguman, “Tongábí intau in Lewi in motaau mobuat kon Poti Dodandian i Tuhan, sin mosiabí tua inta piniḻí i Tuhan momotaan kon Poti tatua bo mogundoi kon i-Nia moidapot in mononoi.”

TAWARIKH 2 5:6

Ki Datu Salomo bo bayongan in rayat in Israel noyosipun kon tayowon in Poti Dodandian tatua bo noposumba kon i Tuhan in domba bo sapi inta diádon koiapan in kobayongnea.

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”

PINOGIAPAN 7:9

Táe intau mita i Kehat in diábí inogoian i Musa in roda bo sapi, sin pakakat mita motusi inta kon bonu in totaau monia, mustibí potaanon monia.

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’

YOSUA 3:3

bo nopotaau in parenta tanaa kon umat in Israel, “Aka ontongon monimu kon imang mita momotaandon kon Poti Dodandian i Tuhan Allahmu, yo moiko in mobuat domandon monaḷámai kon tampat pinononḷoḷaigan tanaa. Duduidon kon Poti tatua,