SAMUEL 2 6:12 - Alkitab Singog In Mongondow Masa In Tanaa

¹² Dinongogdon i Datu Daud kon ki Tuhan in nomarakatdon kon motoḷuadí i Obed-Edom takin bayongan in kapunyaannea popisí in Poti Dodandian tatua. Dá minayádon in sia kon baḷoi i Obed-Edom, nogamá kon Poti Dodandian tatua sin pampingon kon Yerusalem takin pia in gina.

SAMUEL 2 6:12 ပူးပေါင်းရင်းမြစ်များ

SAMUEL 2 5:7

Ki Daud in noguman kon intaunea, “Oyúon degá in kon naa in intau inta mobú kon intau in Yebus ná doman akuoi mobú kon i monia? Mobúdon totok degá in sia modapot in sia moibogdon totok moḻimod kon i monia? Aka natua, tuotdon mongin daḷan in tubig bo tubudon in intau mita inta nosedó bo nobilog inta kinobúmu tua.” (Tuamai intau nosingog, “Intau bilog bo intau nosedó diábí motaau in tumuot kon Baḷoi i Tuhan.”) Ki Daud nokoḷongasi nogagow kon poḷoḷukadan in Sion bo iḻitúannea. Sinangoiannea “Kotá i Daud.” Kotá tatua pinosindognea kon ḻibu in poḷoḷukadan tatua, pinangkoi nongkon dotá in pomukaan kon buḷud inta sinuod pinomonturungan kon butá.

DATU MITA IMITÁNEA 8:1

Nopaḷut mako kon tua ki Datu Salomo nopotabá kon bayongan itoi in suku bo inanakan nongkon bangusa in Israel namangoi kon inia kon Yerusalem sin momamping kon Poti Dodandian i Tuhan nongkon Sion, kotá i Daud, pobayá in Baḷoi Tuhan.

DATU MITA IMITÁNEA 8:3

Naonda in bayongan itoi tatua noyosipun, imang mita nobuat kon Poti Dodandian tatua,

DATU MITA IMITÁNEA 8:4

bo dinia kon Baḷoi i Tuhan. Ḷoḷaigan i Tuhan bo bayongan in pakakatnea pinamping doman in imang mita bo in intau in Lewi kon Baḷoi Tuhan.

TAWARIKH 1 15:15

Bo kon dodai in Poti tatua pinamping, mosia in nomotaan takin kayu pobobuḻigan podudui in atorang inta inogoi i Tuhan kon i Musa.

TAWARIKH 1 15:25

Dá minayádon in ki Datu Daud takin itoi mita in Israel bo porwira mita kon baḷoi Obed-Edom sin mogamá kon Poti Dodandian tatua takin pinoramean moḷoben.

TAWARIKH 1 16:16

Dodandian tatua in pinomia-nea takin i Abraham, bo noiduduimai takin i Ishak,

TAWARIKH 1 26:4

Noiduduimai sinundú in ki Obed-Edom. Sia in binarakatan i Allah pinongin nobogoi in adí ḷoḷaki waḷu inta pinais podudui in umur: ki Semaya, ki Yozabad, ki Yoah, ki Sakhar, ki Netaneel,

TAWARIKH 1 26:5

ki Amiel, ki Isakhar bo ki Peuletai.

TAWARIKH 2 5:2

Nopaḷut mako kon tua ki Datu Salomo nopotabá in bayongan itoi in suku bo inanakan nongkon bangusa in Israel noyosipun kon Yerusalem sin momamping kon Poti Dodandian i Tuhan nongkon Sion, kotá i Daud kon Baḷoi Tuhan.

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”