SAMUEL 2 5:3 - Alkitab Singog In Mongondow Masa In Tanaa

³ Ki Daud in nomia kon dodandian takin itoi mita in Israel tatua kon Hebron, bo dinuí monia in sia nobaḻí datu in Israel.

SAMUEL 2 5:3 ပူးပေါင်းရင်းမြစ်များ

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

SAMUEL 2 2:7

Pokoroton in ginamu bo umurandon kobaḻí intau mita inta mongobarani umpaka ki datu monimu ain minatoi, táe intau mita in Yohuda ain noduí kon inakó nobaḻí datu monia.”

SAMUEL 2 3:21

Nopaḷut mako kon tua ki Abner nopoigumdon kon mayá bo noguman, “Ogoiaipa in wakutu in akuoi mayá sin moguman kon bayongan intau in Israel sinbá dumugangdon kon i Tuangku. Tarimaanbí monia in ki Tuangku mobaḻí datu, dá ki Tuangku in momarentadon kon bayongan in butá, podudui ná inta kinoibog i Tuangku.” Onda intua ki Abner inogoidon i Daud minayá takin iḷukadan sinbá mosaḷamat in sia.

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

DATU MITA 2 11:17

Ki Imang Yoyada in nopotabá kon i Datu Yoas bo rayat nomia kon dodandian takin i Tuhan kon mosia in mobaḻíbí umat i Tuhan. Sia in nokiaid doman kon i datu in dodandian takin rayat.

TAWARIKH 1 11:1

Bayongan itoi in bangusa in Israel namangoi kon i Daud kon Hebron bo noguman, “Kami in ginaḷumbí i Tuang Datu.

TAWARIKH 1 11:3

Dá ki Daud in nomia kon dodandian takin itoi mita in Israel tatua. Bo dinuídon monia in sia nobaḻí datu in Israel ná inta ain pinodandi i Tuhan pinongin i Samuel.

TAWARIKH 1 28:4

Ki Tuhan Allah inta sinumba in Israel, ain nomiḻí kon inakó bo buíku sin momarenta kon Israel moidapot in mononoi. Bo kon bonu in moposadia kon itoi tobatú dá piniḻí-Nea in suku Yohuda, bo nongkon suku tatua piniḻí-Nea in motoḷuadí i amáku. Bo nongkon bayongan in tombonu in motoḷuadí i amáku tatua dá noibog in Sia nomiḻí kon inakó bo binaḻí-Nea in akuoi datu kon bayongan in Israel.

TAWARIKH 2 23:16

Ki Imang Yoyada in nonongganut kon i Datu Yoas bo rayat moyotakinnea mogaid kon dodandian kon mosia in mobaḻíbí umat i Tuhan.

NEHEMIA 9:38

Pinodoyon kon bayongan inta nobaḻí tatua, kami rayat in Israel nomia kon dodandian inta moroton bo pinais, bo cinapan in itoi mita, intau mita in Lewi bo imang nami tobatú.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

YOSUA 10:36

Nongkon Eglon, ki Yosua bo tontaranea notakod kon buḷud bo minayá in kotá in Hebron, bo nonubu

HAKIM MITA 11:11

Dá nobuatdon in ki Yepta noyotakin in intau mita inta sinongguyanga kon Gilead. Bo sia in binaḻídon in intau mita in Gilead pongawasa bo itoi. Bo kon tayowon i Tuhan kon Mizpa, ki Yepta nopoigum in tuntutannea mita kon intau mita in Gilead.

SAMUEL 1 11:15

Bo minayádon in mosia komintan kon Gilgal, bo kon tampat pooibadaan tatua ki Saul binaḻídon datu. Mosia in noposumba in kuruban dodamean, bo ki Saul takin bayongan bangusa Israel in noramedon kon onu inta nobaḻí tatua.

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 23:18

Onda intua ki Daud bo ki Yonatan in nomia kon dodandian yoyobayatan kon tayowon i Tuhan. Nopaḷut mako kon tua ki Yonatan in nobui kon baḷoinea, bo ki Daud in umuranpabí nogutun kon Hores.