SAMUEL 2 5:21 - Alkitab Singog In Mongondow Masa In Tanaa

²¹ Tontara mita in Pilistin noḷagui poḷatdon diá kinodiaan monia in bayongan patong mita berhala monia. Patong mita tatua in ginamá i Daud bo in intaunea mita.

SAMUEL 2 5:21 ပူးပေါင်းရင်းမြစ်များ

YESAYA 37:19

Dewa mita monia doman in sinurub bo irimumud sin dewa mita tatua in beresibí diá kokawasa. Mosia in tongábí patong pinomia nongkon kayu bo batu pinomia in intau.

YEREMIA 43:12

Akuoi in mopoyongkitbí in tuḷú kon kuil mita in dewa mita in Mesir, bo ki datu in Babel in momokakbí kon patong mita in berhala bo kuil mita andeka akutonnea pobayá in butánea. Naonda bo gombala tobatú mondarit kon pakeangnea nongkon kutu, natua doman in datu in Babel in monimpat mokopodarit kon Mesir bodongka mobuat bui takin diábí in monuyayow kon inia.

YEREMIA 48:7

Moab! Iko in mopongata in kodoḻikot bo kaoyúonanmu. Táe tanaa iko tontaní in taḷowonbí. Kamos, dewamu, takin imang mita bo pojabatnea mita in akutonbí pobayá in poḷumbúan.

DANIEL 11:8

Kon tungkuḷ in sia mobui kon Mesir, diaanneabí in patong in dewa in musungnea bo pakakat buḷawan bo saḷaka inta ain pinosumba kon i dewa tatua. Tongonumai notaong noiduduimai kon tua diábí in sia monubu kon i datu in butá in utuan.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.