SAMUEL 2 5:18 - Alkitab Singog In Mongondow Masa In Tanaa

¹⁸ Intau in Pilistin nodapot kon Ḷopá in Repaim bo iḻitúannea.

SAMUEL 2 5:18 ပူးပေါင်းရင်းမြစ်များ

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

SAMUEL 2 23:13

Kon singgai ibanea kon dodai in motoyongdon in ponoḻisían kon bungai in boyó, intau toḷu nongkon 30 in porwira i Daud inta noiḷontú tua nosiḻig kon Angob in Adulam. Kon tungkuḷ intua ki Daud kon bonu in tampat poḷoḷukadan kon angob tatua. Intau in Pilistin nononḷoḷaigan kon Ḷopá in Repaim, bo topaanan nongkon i monia in nokoḻitúdon kon Betlehem.

SAMUEL 2 5:22

Diá noonggot kon tua intau mita in Pilistin bui namangoi bo iḻimitú kon Ḷopá in Repaim.

TAWARIKH 1 11:15

Kon singgai tobatú intau toḷu inta kon sigad in porwira i Daud 30 inta noiḷontú totok, minayá nokipodungkuḷ kon i Daud kon tampat tobatú inta oyúon in poḷoḷukadan kon buḷud batu tobatú kon diug in Angob in Adulam. Kon dodai intua intau in Pilistin nononḷoḷaigan kon Ḷopá in Repaim, bo tongopaanan in tontara monia in nokoagowdon kon Betlehem.

YESAYA 17:5

Israel in nádon onda bo gobá kon Repaim inta nopaḷutdon iratab in gandumnea, bo dongkadon topiḻik in ki agatnea.

YOSUA 15:8

Onda intua notakod nongin Ḷopá in Hinom ná toḷatan in buḷud, inta kinoukatan in Yerusalem, kotá in intau in Yebus. Nongkon tua sigad tatua pinotakod kon tudu in buḷud tatua kon dotá in toyopan kon Ḷopá in Hinom, kon popod in utuan Ḷopá in Repaim,

YOSUA 17:15

Ki Yosua notubag, “Popisí in moiko noiḻiudon in antó, nodapot butá kon buḷud in Epraim mosisídon kon i monimu, dá bayádon kon butá in intau in Peris bo Repaim. Ponaḷundon kon butá mita inta kon buḷud bo baḻídon butá monimu tontaní.”

YOSUA 18:16

bo dongka nosiḻig kon sipangkoion in buḷud inta noyogintayow in Ḷopá in Hinom kon popod in utuan kon Ḷopá in Repaim. Onda intua botok in sigad tatua in nopobayá ná toḷatan nongin Ḷopá in Hinom kon dotá in toḷatan kon sipangkoion mita in buḷud kon butá in Yebus, nomoḷat nopobayá ná En-Rogel,