SAMUEL 2 5:13 - Alkitab Singog In Mongondow Masa In Tanaa

¹³ Naonda in ki Daud nomamping nongkon Hebron bo minayá in Yerusalem, buipa in sia nononibuḷoi kon tongonumai in bobay bo nogamá doman kon tongonumai in bobay sin binaḻínea buḷoi inta diá inika; dá nodugangdon in kobayong in adínea ḷoḷaki bo bobay.

SAMUEL 2 5:13 ပူးပေါင်းရင်းမြစ်များ

SAMUEL 2 12:2

Ki inta nobiag nooyúon kobobiagon inta moantó bo kodomba,

SAMUEL 2 5:12

Tuamai in ki Daud noyakindon totok kon ki Tuhan ain nopobaḻí kon inia datu in Israel, bo moginropot kon dodatuan nea sin kopontingan in umat i Tuhan.

DATU MITA IMITÁNEA 11:3

Pitu nogatut in adí bobay in intau moḷoben in pinobuḷoi i Salomo, bo toḷu nogatut in pahangnea. Ki buḷoinea mita tatuata inta nokopopisí kon i Salomo in nonoḻikud kon i Allah.

TAWARIKH 1 3:1

Ki adí mita ḷoḷaki i Daud inta pinononggadí kon Hebron, podudui in umur monia in: Ki Amon – ki inánea in ki Ahinoam intau in Yizreel Ki Daniel – ki inánea in ki Abigail intau in Karmel Ki Absalom – ki inánea in ki Maakha adí bobay i Talmai datu in Gesur Ki Adonia – ki inánea in ki Hagit Ki Sepaca – ki inánea in ki Abital Ki Yitream – ki inánea in ki Egla.

TAWARIKH 1 3:9

Koḻikud in mosia tua oyúonpa doman in ki adí mita ḷoḷaki i Daud kon i pahangnea mita. Sia in kogadí doman kon adí bobay tangoinea in ki Tamar.

TAWARIKH 2 13:21

Noyoḻiu kon tua, ki Abia in kodugang-kodugangdon in kawasa nea. Sia in kobuḷoi kon mopuḷú bo opat, bo kogadí kon ḷoḷaki doyowa nopuḷú bo doyowa bo bobay in mopuḷú bo onom.

ULANGAN 17:17

Datu in diábí motaau kobuḷoi kon mobayong, sinbá sia diá monoḻikud kon i Tuhan. Sia in diábí doman motaau mosipun kon saḷaka ande buḷawan sin baḻíonnea kaoyúonannea tontaní.

SAMUEL 1 25:43

Noiuna kon tua ki Daud aindon doman notonibuḷoi i Ahinoam nongkon Yizreel, bo tanaa ki Abigail in nobaḻí domandon ki buḷoinea.