SAMUEL 2 5:12 - Alkitab Singog In Mongondow Masa In Tanaa

¹² Tuamai in ki Daud noyakindon totok kon ki Tuhan ain nopobaḻí kon inia datu in Israel, bo moginropot kon dodatuan nea sin kopontingan in umat i Tuhan.

SAMUEL 2 5:12 ပူးပေါင်းရင်းမြစ်များ

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

SAMUEL 2 5:13

Naonda in ki Daud nomamping nongkon Hebron bo minayá in Yerusalem, buipa in sia nononibuḷoi kon tongonumai in bobay bo nogamá doman kon tongonumai in bobay sin binaḻínea buḷoi inta diá inika; dá nodugangdon in kobayong in adínea ḷoḷaki bo bobay.

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

TAWARIKH 1 14:2

Tuamai in noyakindon totok in ki Daud kon ki Tuhan ain nopobaḻí kon inia datu in Israel bo moginropot kon dodatuan nea sin kopontingan in umat i Tuhan.

TAWARIKH 2 2:11

Nobaḻí tubag in surat i Datu Salomo tatua, ki Datu Hiram in nokidia doman in surat inta nanaa in singognea, “Popisí in ki Tuhan notabi kon umat-Nea, dá sia in noduídon kon i Tuang nobaḻí datu monia.

ESTER 4:14

Intau in Yahudi in notantúbí kon mokouḻí kon totuḷung naondaka in daḷannea modapot in mosia mosaḷamat. Táe aka iko bo tongá kibio-biómai kon bonu in kaadaan ná tanaa, yo iko tontaní in matoibí doman bo motoḷuadí i amámu in modait bidon in oumannea. Dika bo dika, iko in piniḻí bokí popisíbí in kaadaan ná tanaa!”

DANIEL 2:30

Inta noibuni tatua in pinoniatadon kon i bobantung naa deemanbí popisí in bobantung naa in mopando-pandoi kon i inekadon, táe tongábí bá kotaauandon i Tuangku in mangaḻe in togoindop i Tuangku bo momangaḻe doman kon tombonu in dodob i Tuangku.

PINOGIAPAN 24:7

Mosia nokouḻí kon tubig in uyan inta mobayong totok, bibit in pinomuḷa mokouḻí kon tubig mobayong. Datu monia in mobaḻí ponango-nangoian, moiḻiu kon i Agag, bo dodatuannea in totok poḷantudon.