SAMUEL 2 4:8 - Alkitab Singog In Mongondow Masa In Tanaa

⁸ Onda intua mosia nobogoi in uḷu i Isyboset tatua kon i Daud kon Hebron poḷat noguman, “Naa in uḷu i Isyboset ki adí ḷoḷaki i Saul, musung i Tuang datu inta moḷongasi moḻimod kon i Tuang datu. Singgai in naa ki Tuhan ain notuḻí kon oaid i Saul bo buínea kon i Tuang datu.”

SAMUEL 2 4:8 ပူးပေါင်းရင်းမြစ်များ

SAMUEL 2 18:19

Onda intua ki Ahimaas adí i Zadok nogumandon kon i Yoab, “Ogoipa in akuoi moribatuk mayá mokipodungkuḷ kon i datu bo modia kon habar mopia kon ki Tuhan ain noposaḷamat kon i Tuang nongkon musungnea.”

SAMUEL 2 18:31

Onda intua noiyaputdon in ata i Yoab tatua, bo noguman kon i datu, “Ata naa in nodia kon habar mopia kon i Tuang datu! Singgai in naa ki Tuhan ain nobogoi kon i Tuang in kauntungan kon bayongan in intau inta nomarontak.”

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

SAMUEL 2 22:48

Pinopountung-Nea in akuoi nongkon musungku, bangusa mita pinotungkud-Nea kon tayowonku,

MAZMUR 71:24

Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

MATIUS 2:20

“Pobangondon, gamádon Adí tatua bo dia takin ki iná-Nea bo bayádon kon butá in Israel, sin mosia inta moḻimod kon Adí tatua, ain minatoi.”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

SAMUEL 1 18:11

“Ponakuḷku in pandong tanaa kon i Daud dapot in moidapot kon dinding!” tua in kon raian i Saul, bo pinonampoknea in pandong tatua kon i Daud kodua, táe ki Daud sinimí.

SAMUEL 1 19:1

Ki Saul noguman kon i Yonatan adínea ḷoḷaki, bo kon bayongan pogawainea kon moibog in sia moḻimod kon i Daud. Táe ki Yonatan in motabi totok kon i Daud,

SAMUEL 1 19:15

Táe bui i Saul pinotabá in mosia minayá intua sin moindoi moyotomatamai. Sia in nomarenta, “Diadon mangoi in sia kon naa, takin tosiugannea, sinbá ḻimodonku.”

SAMUEL 1 20:1

Dá noḷaguidon in ki Daud nongkon Nayot kon diug in Rama bo minayá nokipodungkuḷ kon i Yonatan, bo noḻibó, “Onu in taḷáku? Onu degá in moraat inta pinomiaku bo onu in dosaku kon i amámu modapot in sia moniatbí mako moḻimod kon inakó?”

SAMUEL 1 23:15

Umpakabí natua táe ki Daud in moondokbí doman, sin ki Saul in moniat moḻimod kon inia. Kon wakutu tobatú ki Daud in kon Hores, kon padang gurun Zip.

SAMUEL 1 24:4

Dá noyaputdon in ki Saul kon diug in tongonumai in ḷantung in domba kon bingkí in daḷan. Kon tua oyúon doman in angob tobatú, bo sinumuot in ki Saul sin tumapang. Noitongkanádon totok kon ki Daud bo intaunea mita in nogadop kon tua doman, noḻin akopa topí.

SAMUEL 1 25:29

Aka oyúon in intau monubu kon i Tuangku bo monungkuḷ moḻimod kon i Tuangku, dá ki Tuangku in notantú bidon kon ḷukadan i Tuhan Allah naonda bo kapunyaan inta iḷukadan i toginea. Táe musung i Tuangku in pogambatdon i Tuhan koyayúon, pogambat-Nea naonda bo koyayú in kogambatan in katipol.