SAMUEL 2 4:6 - Alkitab Singog In Mongondow Masa In Tanaa

⁶ Bobay moḷoḷukad kon baḷoi sinomposiug kon wakutu in yogot mondaritmai kon gandum, bo noḷoḷot. Tuamai in ki Rekhab bo ki Baana nokoḷongasi sinumuot.

SAMUEL 2 4:6 ပူးပေါင်းရင်းမြစ်များ

SAMUEL 2 2:23

Naonda in ki Asael umuran doí mogogai, pinonakuḷ i Abner ná tumi in pandongnea, bo noitugatdon kon sian i Asael nodapot in noiḷambai kon ḻikudnea. Noobat in ki Asael poḷat minatoi kon tampat tatua. Bayongan in intau inta noiangoi kon tampat kinoobatannea tatua, sinumogon kon tua.

SAMUEL 2 20:10

Diábí inontong i Amasa in kedang kon ḻima koḷoigi i Yoab. Bo daḻídon in ki Yoab noponurak in kedangnea tatua kon sian i Amasa, dá bonu in siannea noibutak kon butá. Minatoi in sia kon dodai doman tatua, dá diá bidon paraḷu monumbuk bui in ki Yoab kon inia. Bo ki Yoab takin ki Abisai ai-ainea, in nongingguputdon nogaḷow kon i Seba.

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

HAKIM MITA 3:26

Koyogotpa in mosia mogoḷat mako, ki Ehud noḷaguidon minayá ná Seira nongin batu mita inta kinurig.