SAMUEL 2 4:12 - Alkitab Singog In Mongondow Masa In Tanaa

¹² Nopaḷut mako kon tua nomarentadon in ki Daud kon intaunea noḻimod kon i Rekhab bo kon i Baana. Nopaḷut mako iḻimod, ḻima bo sioḷ monia pinongkó bo binambé kon diug in tabang. Táe uḷu i Isyboset tatua in ginamá bo iḷobong kon kotá tatua doman kon bonu in pinoḷobongan kon i Abner.

SAMUEL 2 4:12 ပူးပေါင်းရင်းမြစ်များ

SAMUEL 2 1:15

Bo nogoiní in sia kon intaunea tobatú bo nomarenta, “Ḻimodon in sia!” Bo intau i Daud tatua nonibat kon intau in Amalek tatua dapot in minatoi.

SAMUEL 2 16:8

Iko ain nogagow kon dodatuan i Saul! Tanaa in iko in ihukumbí i Tuhan sin noḻimod kon nobayong totok in inanakan i Saul. Ki Tuhan ain nobogoi in dodatuanmu kon i Absalom ki adímu. Tanaa in kopatoidon in iko, ei moḷoḻimod!”

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

SAMUEL 2 21:9

Mosia in inogoidon kon intau mita in Gibeon, bo taya pitu tatua in minatoi noyotakin binambé kon tudu in buḷud kon tayowon i Tuhan. Hukuman minatoi tatua pinomia kon imbuit in sempo in pononubú, kon wakutu in momangkoidon moratab kon makoya.

SAMUEL 2 3:32

Ki Abner iḷobong kon Hebron, bo datu takin rayat noguang totok kon tayowon in pinoḷobongan tatua.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.