SAMUEL 2 3:9 - Alkitab Singog In Mongondow Masa In Tanaa

^9-10 Maníka motuḷungdon in akuoi kon i Daud, apa doman ki Tuhan ain nodandi kon inia kon mogamábí kon dodatuan tanaa nongkon i Saul bo kon buínea mita, bo moduí kon i Daud mobaḻí datu kon bayongan in Israel bo Yohuda. Igumon mako ki Allah in moḻimod kon inakó, aka diá aidanku in dandi i Allah kon i Daud tua!”

SAMUEL 2 3:9 ပူးပေါင်းရင်းမြစ်များ

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

SAMUEL 2 19:14

Natua in aid i Daud dá bayongan intau in Yohuda noibogdon kon inia nodapot in mosia nokidiadon in koyow kon i datu sinbá mobuidon kon komaḻig moyotakin in bayongan pogawainea.

SAMUEL 2 3:35

Kinoouputbí in singgai intau mita moḷongasi modondouḷug kon i Daud sinbá mongaanpa umpaka tongá topiḻikmai, táe sia in nongibot, “Igumon mako ki Allah in moḻimod kon inakó, aka akuoi mongaan kon dodai in mata in singgai diápa tumoyop!”

DATU MITA IMITÁNEA 19:2

Dá ki Izebel in nokidia in habar tanaa kon i Elia, “Igumon mako dewa mita in mohukum, poḷat bo moḻimod kon inakó, aka ikoḷom kon oras ná tanaa akuoi in diá mopoaid kon inimu ná inta pinopoaidmu kon nabi mita in Baal tatua.”

DATU MITA IMITÁNEA 2:23

Naonda in noguman mako natua nongibotdon in ki Salomo pinodoyon kon i Tuhan, “Biódon mako in akuoi kotugatan in kutuk i Tuhan, aka diá hukumonku matoi in ki Adonia popisí in oigumnea tatua!

TAWARIKH 1 12:23

Kon dodai in ki Daud kon Hebron nobayong in pojuang inta ain nobiasa noparang in dinumugang kon inia. Mosia in noduḷu kon inia sinbá mobaḻí datu in sia momaḷui kon i Saul, podudui in dandi i Tuhan. Naa in kobayong monia: Nongkon suku in Yohuda: 6.800 in intau, notouḷut takin kaḻeaw bo pandong. Nongkon suku Simeon: 7.100 in intau mita inta notalati. Nongkon suku Lewi: 4.600 in intau. Intau mita i Yoyada inta itoi in buí i Harun: 3.700 in intau. Ginaḷum motoḷuadí i Zadok, pojuang mobagupa inta mobarani: 22 in intau – komintan tongguḷu in motoḷuadí. Nongkon suku Benyamin (suku i Datu Saul): 3.000 in intau; mobayo-bayong in nongkon suku Benyamin in tantúbí mosatia kon i Saul. Nongkon suku Epraim: 20.800 in intau inta ponango-nangoian kon bonu in batúan inanakannea. Nongkon suku Manasye inta kon dotá in toyopan kon Ongkag in Yordan: 18.000 in intau inta sinundú moduí kon i Daud mobaḻí datu. Nongkon suku Isakhar: 200 in itoi takin intau mita monia: itoi mita tanaa in mongopandoi monantú kon onu in musti aidan in rayat in Israel kon wakutunea. Nongkon suku Zebulon: 50.000 in intau inta mongopandoi mopomaké in noyagi-yagimai in pakakat in parang, bo mosadiadon moparang; mosia tua in intau mita inta mosatia bo inta motaau pirisayaan totok. Nongkon suku Naptali: 1.000 in itoi takin 37.000 in tontara inta notouḷut takin kaḻeaw bo pandong. Nongkon suku Dan: 28.600 in intau inta notalati. Nongkon suku Asyer: 40.000 in intau inta nosadiadon moparang. Nongkon suku mita kon dotá in pomukaan kon Yordan, inta suku Ruben, Gad bo tongosilai in suku Manasye: 120.000 in intau inta mopandoi mopomaké in bayongan pakakat in parang.

RUT 1:17

Kon ondakabí in kopatoian i Iná, yo kon tua doman in kopatoianku bo poḷobongan kon inakó. Igumon mako ki Tuhan mohukum kon inakó kobogaton totok, aka akuoi moibog moyoguat i Iná, koḻikudbí in popatoi in mopoyoguat kon i naton!”

SAMUEL 1 14:44

Guman i Saul kon inia, “Poigumon mako akuoi hukumon i Allah aka iko diá hukumon matoi, Yonatan!”

SAMUEL 1 15:28

Bo noguman in ki Samuel kon inia, “Kon singgai in naa ki Tuhan ain nomerak kon dodatuan in Israel nongkon i Tuang, bo nobogoi kon intau ibanea inta mopia-pia nongkon i Tuang.

SAMUEL 1 25:22

Igumon mako ki Allah in moḻimod kon inakó aka diá ḻimodonku komintan in bayongan ḷoḷaki kon tua kon dodai in mata in singgai momukádon!”

SAMUEL 1 28:17

Ki Tuhan ain nopoaid kon inimu ná inta ain pinoguman-Nea kon inakó. Ki Tuhan ain nogamá kon dodatuan in Israel nongkon inimu bo inogoi kon i Daud.

SAMUEL 1 3:17

Ki Eli noḻibó, “Onu in pinotaau i Tuhan kon inimu? Oumandon komintan kon inakó. Aka oyúon in bunionmu, yo hukumon i Allah in iko.”