SAMUEL 2 3:8 - Alkitab Singog In Mongondow Masa In Tanaa

⁸ Bo sinumorúdon totok in ki Abner poḷat noguman, “Degá kai Tuangkumai akuoi naa in mondoí bidon kon i Saul bo momihakdon kon Yohuda? Nongkon dungkuḷpabímai in akuoi ain notoindudui kon i Saul ki amá i Tuang, bo kon bayongan in ginaḷumnea takin yobayatnea mita. Akuoi in notuḷungdon kon i Tuangku nodapot in diá kinotaḷowan i Daud. Umpaka natua yo ki Tuangku in mopoompábímai kon inakó tongá popisí in bobay!

SAMUEL 2 3:8 ပူးပေါင်းရင်းမြစ်များ

SAMUEL 2 16:9

Ki Abisai ki ai-ai i Yoab adí i Zeruya, in noguman kon i datu, “Nongonu sin pomayábí mako i Tuang in mononuyayow tatua mogodi-godimai kon i Tuang? Pomayádon mako in bobantung naa mongingguḷu kon inia!”

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

SAMUEL 2 3:18

Yo, tanaadon in kasampatan monimu. Toropdon, ki Tuhan ain nodandi kon i Daud, kon pongin i inia umat-Nea Israel posaḷamaton nongkon intau in Pilistin bo nongkon bayongan in musung ibanea mako.”

SAMUEL 2 3:9

Maníka motuḷungdon in akuoi kon i Daud, apa doman ki Tuhan ain nodandi kon inia kon mogamábí kon dodatuan tanaa nongkon i Saul bo kon buínea mita, bo moduí kon i Daud mobaḻí datu kon bayongan in Israel bo Yohuda. Igumon mako ki Allah in moḻimod kon inakó, aka diá aidanku in dandi i Allah kon i Daud tua!”

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

SAMUEL 2 9:8

Ki Mepiboset in sinumungkud bui bo noguman, “Onubí in mangaḻe in kobiagan in bobantung naa! Nongonu sin ki Tuang datu in ná domai tua in kopopia kon inakó bobantung naa?”

DATU MITA 2 8:13

“Uḻe, akuoi naa in intau inta diá in mangaḻenea,” tubag i Hazael, “diábí in kawasa inta námai tua in kotoyang!” “Pinoontongdon i Tuhan kon inakó kon iko in mobaḻí datu kon Siria,” tubag i Elisa.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

ULANGAN 23:18

Ná doman tua in doit inta nouḻí kon pinosundaḷan tatua in diábí motaau in diaan kon Baḷoi i Tuhan Allahmu sin poguboḻi kon dandimu, sin kinodoíbí i Tuhan Allahmu in bobay sundaḷ kon kuil mita pososumbaan bo boḻi in pinosundaḷan.

SAMUEL 1 15:28

Bo noguman in ki Samuel kon inia, “Kon singgai in naa ki Tuhan ain nomerak kon dodatuan in Israel nongkon i Tuang, bo nobogoi kon intau ibanea inta mopia-pia nongkon i Tuang.

SAMUEL 1 17:43

Guman i Goliat kon i Daud, “Pongonubí in tungkud tanion? Degá kainimu kamai akuoi naa in ungkúbí?” Bo inodi-odiannea in ki Daud pinodoyon kon dewanea mita.