SAMUEL 2 3:3 - Alkitab Singog In Mongondow Masa In Tanaa

³ Ki Kileab. Ki inánea in ki Abigail, ki baḷú i Nabal nongkon Karmel. Ki Absalom. Ki inánea in ki Maakha, adí bobay i Datu Talmai nongkon Gesur.

SAMUEL 2 3:3 ပူးပေါင်းရင်းမြစ်များ

SAMUEL 2 13:1

Ki Absalom adí ḷoḷaki i Daud kogai-gai kon mongodeaga inta moḷunat totok, ki Tamar in tangoinea. Ki Amnon ki adí ḷoḷaki i Daud kon bobay ibanea, noibog kon i Tamar

SAMUEL 2 14:23

Bo minayádon in ki Yoab kon Gesur sin mogamá kon i Absalom mobui kon Yerusalem.

SAMUEL 2 14:24

Táe diábí inogoi i datu in ki Absalom mogutun kon komaḻig. “Doíbí in akuoi moindoi kon inia,” guman i datu. Dá ki Absalom in baḷúdon nobui kon baḷoinea tontaní, bo diádon minayá in tayowon i datu.

SAMUEL 2 14:32

Tubag i Absalom, “Popisí in doí in iko mamangoi wakutu in pinoki oiníku. Akuoi in moibog mopotabá kon inimu mayá kon tayowon i datu bo mopotaau in tosingogonku tanaa, ‘Onubí in mangaḻenea akuoi in nonaḷámai kon Gesur bo nobui mangoi kon naa? Maníka nogutundon in akuoi kon tua.’ ” Bo guman doman i Absalom bui, “Ḷongasidon sinbá motaau in akuoi mayá kon tayowon i datu, bo aka akuoi tantúpa doman inanggap kotaḷá, yo mosadiabí in akuoi hukumon matoi.”

SAMUEL 2 15:7

Naonda in noiḻimpatdon kon opat notaong, ki Absalom in noguman kon i Datu Daud, “Amá, ogoipa mayá in akuoi kon Hebron sin mogintompod kon dandiku kon i Tuhan.

SAMUEL 2 15:8

Sin kon dodai in akuoi nogutunpa kon Gesur butá in Siria, nodandi in akuoi kon mayá moibada kon i Tuhan kon Hebron aka ogoi-Nea in akuoi mobui kon Yerusalem.”

SAMUEL 2 18:33

Nokodongogmai kon tua noajardon totok in gina i datu, bo noponik in sia kon yuang inta kon ḻimonik in ngara moḷoben bo nongombaḷ nogamui, “O adíku! Adíku Absalom! Absalom, adíku! Mopia-piabí kon akuoi in minatoi monoḻiu kon inimu, adíku! Absalom, adíku!”

SAMUEL 2 2:2

Dá minayádon in Hebron in ki Daud takin ki buḷoinea doyowa: ki Ahinoam inta bobay in Yizreel, bo ki Abigail inta ki baḷú i Nabal inta bobay in Karmel.

DATU MITA IMITÁNEA 2:15

Ki Adonia in notubag, “Kinotaauan i iná kon sabanarnea in akuoibí in mobaḻí datu; tua in inoḷat bidon mako in bayongan Israel. Táe noyoḻiudon in nobaḻí; ki ai-aikubí in nobaḻí datu, sin natua in kinoibog i Tuhan.

TAWARIKH 1 3:1

Ki adí mita ḷoḷaki i Daud inta pinononggadí kon Hebron, podudui in umur monia in: Ki Amon – ki inánea in ki Ahinoam intau in Yizreel Ki Daniel – ki inánea in ki Abigail intau in Karmel Ki Absalom – ki inánea in ki Maakha adí bobay i Talmai datu in Gesur Ki Adonia – ki inánea in ki Hagit Ki Sepaca – ki inánea in ki Abital Ki Yitream – ki inánea in ki Egla.

ULANGAN 3:14

Yair nongkon suku Manasye nogamá kon bayongan wilayah Argob, inta nongkon Basan nodapot in pinosigadan Gesur bo Maakha. Sinangoiannea in ḻipú mita tatua pinodayan kon tangoinea tontaní, bo dapot in tanaa mako umuranpabí kinotaauan saḷaku ḻipú mita i Yair.)

YOSUA 13:13

Táe intau in Gesur bo Maakha in diábí pinoguntun in intau Israel; mosia in nogutunpabí kon Israel.

SAMUEL 1 25:42

Onda intua ḷagidon in sia nonouḷut. Sinumakoi in sia kon keledainea bo dinuduian in bobantungnea bobay in taya ḻima, nobuatdon in sia dinumudui kon totabá mita i Daud, dá sia in nobaḻídon ki buḷoi i Daud.

SAMUEL 1 27:8

Kon bonu in wakutu tatua ki Daud takin intaunea mita mokakit in monubu kon intau in Gesur, intau in Girzi, bo intau in Amalek; bangusa mita tatua in noonggotdon in nogutun kon butá tatua. Sia in nonubu kon butá tatua nodapot in Sur, bo nomoḷat kon Mesir.