SAMUEL 2 3:16 - Alkitab Singog In Mongondow Masa In Tanaa

¹⁶ Táe ki Paltiel umuran dinumudui kon i Mikhal sindaḷan moguang. Naonda in mosia nodapot kon kotá in Bahurim, ki Abner in noguman kon inia, “Natuadon, pobuidon!” Bo nobuidon in ki Paltiel.

SAMUEL 2 3:16 ပူးပေါင်းရင်းမြစ်များ

SAMUEL 2 16:5

Naonda in ki Daud nodapot kon Bahurim, namangoidon in intau tobatú nongkon tampat tatua, bo kodiug-kodiug kon paanan i datu, nogodi-godimai in sia kon i Daud. Tangoinea in intau tatua in ki Simei adí i Gera, nongkon inanakan i Saul.

SAMUEL 2 17:18

Táe kon dodai intua adí ḷoḷaki tobatú inta noitongkaná in nokoontong kon i monia, bo nopotaau intua kon i Absalom. Dá mosia in iḻimikatdon minayá bo nogadop kon baḷoi in intau tobatú kon ḻipú in Bahurim. Kon diug in baḷoinea oyúon in parigí bo sinumuot in mosia kon bonunea.

SAMUEL 2 19:16

Ki Simei adí i Gera, intau in Benyamin tatua in nodia kon toribu in intau nongkon suku in Benyamin bo iḻimikat namangoi noyotakin in intau mita in Yohuda tatua sin motomu kon i datu. Natua doman in ki Ziba ata in motoḷuadí i Saul, takin mopuḷú boḻima in adínea inta ḷoḷaki bo doyowa nopuḷú in atanea; mosia in iḷumoḷandon kon Ongkag in Yordan kon dodai in ki datu diápa noiangoi.

SAMUEL 2 3:15

Bo ki Isyboset nopotabá in totabánea minayá nogamá kon i Mikhal nongkon i buḷoinea, inta ki Paltiel adí i Lais.

DATU MITA IMITÁNEA 2:8

Soaḷ ki Simei adí i Gera nongkon kotá in Bahurim kon butá in Benyamin, oyúon doman in koyowku kon inimu. Kon binayáanku kon Mahanaim, ki Simei tua in koḻipod nogodi-godimai kon inakó totok in moraat. Táe kon singgai noiduduimai, kon dodai in sia namangoi nonontomu kon inakó kon Ongkag in Yordan, akuoi in nongibotdon kon inia pinodoyon kon i Tuhan kon diábí in akuoi moḻimod kon inia.

YEREMIA 41:6

Dá iḷumuaidon in ki Ismael nongkon Mizpa bo minayá nokipodungkuḷ kon i monia. Sindaḷan nongombaḷ, sia in noguman, “Igai mayá moindoi kon i Gedalya.”