SAMUEL 2 3:14 - Alkitab Singog In Mongondow Masa In Tanaa

¹⁴ Nopaḷut mako kon tua ki Daud nopotabá doman in totabá minayá kon i Isyboset, takin nodia kon koyow, “Maníka pobuiondon i Tuang in ki Mikhal, ki buḷoiku tua kon inakó. Sia tua in inuboḻiankudon in mogatut in kuḻit in pinonoitan in intau in Pilistin.”

SAMUEL 2 3:14 ပူးပေါင်းရင်းမြစ်များ

SAMUEL 2 2:10

Ki Isyboset in umur opat nopuḷú notaong kon tungkuḷ in binaḻí datu kon Israel, bo nomarenta in sia doyowa notaong in koonggotnea. Táe suku in Yohuda in umuranbí mosatia kon i Daud,

SAMUEL 2 3:15

Bo ki Isyboset nopotabá in totabánea minayá nogamá kon i Mikhal nongkon i buḷoinea, inta ki Paltiel adí i Lais.

SAMUEL 2 6:16

Naonda in Poti tatua diniadon potuoton kon bonu in kotá, ki Mikhal adí bobay i Saul iḷumongow nongkon jandela bo inontongnea in ki Datu Daud ḷumansi-ḷansik in motayok sin mohoromat kon i Tuhan, bo nooyá in ki Mikhal in nokoontong kon i Daud.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

SAMUEL 1 18:25

bo ki Saul in nopotabá kon i monia noguman kon i Daud, nanaa, “Inta kinoibog i Tuang inta baḻíon buḷawan tontogot in tonibuḷoi in tongábí mogatut in kuḻit ponoitan kon intau in Pilistin, saḷaku tontuḻí kon musung i Tuang.” (Naa in nobaḻí tomayá i Saul sin moḻimod kon i Daud pongin ḻima in intau in Pilistin.)

SAMUEL 1 25:44

Kon dodai intua ki Saul nopobuḷoidon kon i adínea bobay ki Mikhal, inta ki buḷoi i Daud, takin i Palti ki adí i Lais nongkon kotá in Galim.