SAMUEL 2 3:12 - Alkitab Singog In Mongondow Masa In Tanaa

¹² Bo ki Abner in nopotabádon in totabá minayá kon i Daud inta kon dodai intua kon Hebron, takin nodia kon koyow, “Ki inebí in mongawasa kon butá tanaa? Pogaidon kon dodandian takinku, dá akuoi in mobantungdon kon i Tuangku sinbá bayongan bangusa in Israel moibogdon kon i Tuangku!”

SAMUEL 2 3:12 ပူးပေါင်းရင်းမြစ်များ

SAMUEL 2 19:14

Natua in aid i Daud dá bayongan intau in Yohuda noibogdon kon inia nodapot in mosia nokidiadon in koyow kon i datu sinbá mobuidon kon komaḻig moyotakin in bayongan pogawainea.

SAMUEL 2 19:41

Onda intua namangoidon in bayongan intau in Israel kon tayowon i datu bo noguman kon inia, “Tuang datu, nongonu sin ki utat nami intau mita in Yohuda tatua in norai kon mosiabí tua in kitogi hak motomu bo moyotakin i Tuang datu takin bayongan in motoḷuadí bo intau mita i Tuang datu ḷumoḷan kon Ongkag in Yordan?”

SAMUEL 2 19:6

Ki Tuang Datu motabi kon intau mita inta mondoí kon i Tuang Datu, táe ki Tuang Datu in mondoí kon intau mita inta motabi kon i Tuang Datu! Nosimantagdon totok kon ki Tuang Datu in noponiata kon porwira mita bo tontara mita i Tuang Datu totokbí in diá in mangaḻenea kon i Tuang Datu. Sedang bo koontonganbí totok kon mopiabí totok in gina i Tuang Datu aka kuma bo singgai in naa ki Absalom in nobiagpa bo kami komintan in minatoi!

SAMUEL 2 3:11

Diádon in ki Isyboset nokobaḻí nosingog kon totontagápamai, sin moondok in sia kon i Abner.

SAMUEL 2 3:13

Ki Daud in notubag, “Mopia! Poyaputdon in habar tanaa kon i Abner: Moibogbí in akuoi momia kon dodandian takinmu, tongá takin sarat tobatú: ki Mikhal, adí bobay i Saul, musti diaanmu mangoi kon inakó aka mamangoi in iko kon inakó.”

SAMUEL 2 3:21

Nopaḷut mako kon tua ki Abner nopoigumdon kon mayá bo noguman, “Ogoiaipa in wakutu in akuoi mayá sin moguman kon bayongan intau in Israel sinbá dumugangdon kon i Tuangku. Tarimaanbí monia in ki Tuangku mobaḻí datu, dá ki Tuangku in momarentadon kon bayongan in butá, podudui ná inta kinoibog i Tuangku.” Onda intua ki Abner inogoidon i Daud minayá takin iḷukadan sinbá mosaḷamat in sia.

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

SAMUEL 2 3:38

Guman i datu kon intau mita inta dinumudui tatua, “Diábí degá kinotaauan monimu kon singgai in naa tobatú itoi moḷoben kon Israel ain minatoi?

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.