SAMUEL 2 3:1 - Alkitab Singog In Mongondow Masa In Tanaa

¹ Parang kon sigad in intau mita inta moibog kon motoḷuadí i Saul bo intau mita inta moibog kon i Daud tantúpa doman mobaḻí. Ki Daud in kodugang-kodugangdon in ropotnea, bo musungnea in koyangkó-koyangkódon.

SAMUEL 2 3:1 ပူးပေါင်းရင်းမြစ်များ

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

SAMUEL 2 2:17

Nopaḷut mako kon tua nobaḻídon in parang inta motoyang totok, bo ki Abner takin tontara in Israel sinaḷow in intau mita i Daud.

SAMUEL 2 2:28

Bo nogirupdon in ki Yoab kon torompet nobaḻí tompoingat kon intaunea mita sinbá mogogaidon in mogaḷow kon intau in Israel, dá noobotdon in parang tatua.

SAMUEL 2 22:44

Pinoḷuat-Mu in akuoi nongkon inanakan inta moraat, bo binaḻí-Mu in akuoi pongawasa kon bangusa mita; bangusa inta diá kinotaauanku nobaḻí bobantungku.

SAMUEL 2 3:6

Kon dodai in parang kon sigad in intau mita inta moibog kon i Daud bo inta moibog kon motoḷuadí i Saul koyogotpa in mobaḻí, ki Abner in moḷongasidon totok sinbá sia in totokdon kopirisayaan bo koibog in intau mita inta moibog kon i Saul.

SAMUEL 2 5:10

Koonggot-koonggot koropot-koropotdon in ki Daud, sin ki Tuhan, Allah Inta Totok in Mokawasa notuḷung kon inia.

DATU MITA IMITÁNEA 14:30

Kon dodai in ki Rehabeam nomarenta, umuran oyúon in parang kon sigad i Rehabeam bo i Yerobeam.

DATU MITA IMITÁNEA 15:16

Kon tungkuḷ in pinomarentaan i Datu Asa inta nongkon Yohuda bo Datu Baesa nongkon Israel umuranbí mobaḻí in parang kon sigad in datu doyowa tatua.

DATU MITA IMITÁNEA 15:32

Kon bonu in pinomarentaan i Datu Baesa inta nongkon Israel, parang tantúpa doman nobaḻí kon sigad i Baesa bo i Datu Asa nongkon Yohuda.

TAWARIKH 1 11:9

Koonggot-koonggot koropot-koropotdon in ki Daud, sin ki Tuhan Inta Totok in mokawasa notuḷung kon inia.

TAWARIKH 1 3:1

Ki adí mita ḷoḷaki i Daud inta pinononggadí kon Hebron, podudui in umur monia in: Ki Amon – ki inánea in ki Ahinoam intau in Yizreel Ki Daniel – ki inánea in ki Abigail intau in Karmel Ki Absalom – ki inánea in ki Maakha adí bobay i Talmai datu in Gesur Ki Adonia – ki inánea in ki Hagit Ki Sepaca – ki inánea in ki Abital Ki Yitream – ki inánea in ki Egla.

ESTER 6:13

Onu in nobaḻí tatua inoumannea kon i buḷoi bo kon bayongan in yobayatnea. Onda intua ki buḷoinea bo yobayatnea mita inta mobijaksana tatua in noguman kon inia, “Momangkoidon in Iko taḷowon i Mordekhai. Sia in intau Yahudi bo diábí in iko mokoḷawang kon inia. Notantú bidon kon taḷowonneabí in iko.”

ESTER 9:4

Kon sinangkub in dodatuan, kinotaauan in intau mita kon ki Mordekhai tua in moḷobenbí totok in pongarunea kon komaḻig bo kodugang-kodugang domandon in kawasa nea.

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

AYUB 8:7

Kaoyúonanmu inta nobuḻi tua in diábí in mangaḻenea poyotongkaionmai kon onu in inta bain bui mouḻímu.

MAZMUR 18:43

Mosia in irimumudku naonda bo ḷobud inta posirarit, bo kinaitanku naonda bo yoná kon daḷan.

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

MAZMUR 84:7

Kon dodai in mosia minayá nongin ḷopá Mononoi, tampat tatua binaḷuian monia nobaḻí bokaká, uyan dungkuḷ nobogoi in barakat totuu mobayong.

GALATIA 5:17

Sin onu inta kinoibog in intau noyoposibí in kinoibog i Allah, andeka nanaa, inta kinoibog i Allah in noyoposibí inta kinoibog in intau naa, tuamai in moiko diá motaau in mogaid kon onu inta koibog monimu.

EPESUS 6:12

Sin kita in moparang deemanbí moyogintayow in intau, táe moyogintayowbí in ropot in bayongan dimukud moraat inta nongawasa kon singgai moraat mita tanaa. Kita in monayow kon ropot in roho mita moraat inta nongawasa kon ḷangit.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.