SAMUEL 2 24:4 - Alkitab Singog In Mongondow Masa In Tanaa

⁴ Táe ki datu in umuranbí nomarenta nokiiap. Dá ki Yoab takin porwiranea mita in minayá sin nogiap kon bangusa in Israel.

SAMUEL 2 24:4 ပူးပေါင်းရင်းမြစ်များ

SAMUEL 2 24:3

Táe ki Yoab in noguman kon i datu, “Igumon mako ki Tuhan Allah i Tuang datu in mopobaḻí moantó in rayat in Israel modapot in modugang kogatut ná tanaa in kobayongnea nongkon kobayong monia tanaa mako, bo igumon mako ki Tuang datu in mobiagpa sinbá mokoontongpa kon tua. Táe onu in makusud i Tuang datu mokiiap intua?”

SAMUEL 2 24:5

Naonda in iḷumoḷan kon Ongkag in Yordan, ki Yoab bo intaunea nononḷoḷaigan kon dotá in toḷatan kon Aroër, kotá tobatú kon yua-yuak in ḷopá kon butá in Gad. Nongkon tua in mosia minayá in utuan, ná Yaezer,

TAWARIKH 1 21:4

Táe ki datu in umuranbí kumadai kon parentanea tatua, dá minayádon in ki Yoab kon bayongan in Israel, noidapot kon ḻipú mita inta noako, bodongka nobui kon Yerusalem,

IḶUAIAN 1:17

Táe taya dua tua in intaubí mita inta motoguondok kon i Allah. Doíbí in mosia mogaid kon onu inta pinoki aid i datu bo pinomayádon mako monia in adí mita ḷoḷaki tua nobiag.

IḶUAIAN 30:12

“Kon tungkuḷ in pinogiapan kon bangusa Israel, bayongan in ḷoḷaki musti moguboḻi kon i-Nakó in doit tobutan kon inia sinbá diá in sia kotugatan in bodito kon dodai in pogiapandon.

MOHOHUTUBA 8:4

Datu mopomaké in kawasa nea; diábí in mokobaḻí momayow kon inia!

OUMAN IN RASUL MITA 5:29

Táe ki Petrus bo ki Yohanes in noguman, “Kami in mustibí mokidongog kon i Allah, deemanbí dumudui kon singog in intau nion.