SAMUEL 2 24:1 - Alkitab Singog In Mongondow Masa In Tanaa

¹ Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

SAMUEL 2 24:1 ပူးပေါင်းရင်းမြစ်များ

KINOBAḺIAN 45:5

Dika moondok ande momanasaḷ popisí in nopotaḷui kon inakó in moiko. Sin in ki Allahbí tontaní inta ain nodia kon inakó namangoi in naa umuna kon i monimu sin moposaḷamat in kobiagan in intau mobarong.

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

SAMUEL 2 12:11

Akuoi in mongibot kon mopoumabí in bodito kon inimu inta mamangoi nongkon motoḷuadímu tontaní. Gamáan-Kubí in ki buḷoimu mita koonto-ontongmu mako bo ogoi-Ku kon intau ibanea inta mosiug takin monia kon dodai in singgaipa.

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

DATU MITA 2 3:6

Tuamai in ki Datu Yoram in ḷagidon nonaḷámai kon Samaria bo minayá noposadia in tontaranea mita.

TAWARIKH 1 21:1

Moibog in Ibilis mopobodito kon intau in Israel; tuamai in dinondouḷugannea in ki Daud sinbá mogiapdon kon intau.

TAWARIKH 1 7:2

Ki Tola in kogadí kon adí ḷoḷaki onom: ki Uzi, ki Repaya, ki Yariel, ki Yahmai, ki Yibsam bo ki Samuel. Mosia in tongguḷu in motoḷuadí kon bonu in inanakan i Tola bo pinonango-nangoian tontara inta mongotorindog. Kon tungkuḷ in ki Daud datu, kobayong in buí monia in 22.600.

TAWARIKH 1 7:40

Tuata in buí i Asyer. Mosia komintan in tongguḷu in motoḷuadí bo ponango-nangoian saḷaku pahlawan mita inta mongotorindog bo itoi mita inta moḷoben. Kon bonu in daptar buí i Asyer in kinopaisan in 26.000 in ḷoḷaki inta motaaudon tumuot tontara.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

IḶUAIAN 7:3

Táe baḻíon-Ku in datu motogat in gina. Iko in diábí pandungonneamai, umpakabí Akuoi mopoangoi in bodito mobarong kon butá in Mesir.

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

YEHEZKIEL 20:25

Onda intua inogoi-Ku kon i monia in hukum mita inta diá mopia bo parenta mita inta diá mokobiag.

IMAMAT 10:6

Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

PINOGIAPAN 1:19

ná podudui inta pinarenta i Tuhan. Tua komintan inaidan i Musa kon padang gurun Sinai.

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.

TESALONIKA 2 2:11

Tuamai popoangoian i Allah in tobatú kawasa inta mokopoyaying kon i monia, sinbá mopirisaya in mosia kon soaḷ inta diá totuu.

HAKIM MITA 2:20

Manangka intua ki Tuhan sinumorúdon totok kon umat in Israel, bo noguman, “Akuoi in nogumandon kon mogoguyang in bangusa tanaa sinbá umuran kumadai kon dodandian-Ku takin i monia. Táe bangusa tanaa in nomontowdon kon dodandian tatua; mosia in iḻimimpat kon parenta-Ku.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.