SAMUEL 2 23:7 - Alkitab Singog In Mongondow Masa In Tanaa

⁷ diábí tobatúmai in intau in moibog moḻiai aka diá kokada-kadai in kayu andeka uatoi. Intau mita tatua in moyompat kaanon in tuḷú.

SAMUEL 2 23:7 ပူးပေါင်းရင်းမြစ်များ

MAZMUR 21:10

Sia in namangoi naonda bo tuḷú inta kodoko-dokot sin moyopú kon i monia. Mosia in yopúonbí in torú i Tuhan, bo pagongon in tuḷú.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 33:12

Moiko in naonda bo batu karang inta sinubá sin pomiaan silon; naonda bo bonganga inta pinupuḷ bo sinubá kon bonu in tuḷú.

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

MATIUS 13:30

Pomayá mako in kobiagannea modapot in wakutu porataban. Sin kon wakutu in porataban pogumankudon kon intau mita inta mororatab: Tokosipundon muna in padang mita tatua bo bogot kon pangkoinea mita, sin tubáan. Onda intua sipundon in gandum mita, tatua kon ontagku.’ ”

MATIUS 13:42

Bayongan tua in daiton pogonag kon bonu in tuḷu; kon tua kodongogan in amui bo roriga.

LUKAS 19:14

Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

TESALONIKA 2 2:8

bain tua bo koontongandon in intau moraat tatua. Sahingga in aka ki Tuhan Yesus mamangoi yo ḻimodon-Nea in intau moraat tatua takin tompot inta pogirup-Nea, bo yoyangon-Nea wakutu in Sia mamangoi takin kamuliaan-Nea.

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.