SAMUEL 2 23:5 - Alkitab Singog In Mongondow Masa In Tanaa

⁵ Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

SAMUEL 2 23:5 ပူးပေါင်းရင်းမြစ်များ

KINOBAḺIAN 9:16

Aka aḻibobag koontongan kon goḷom, yo indoian-Ku intua bo kotoropan-Ku in dodandian-Ku inta mononoi tua takin bayongan mahaḷuk inta nobiag kon dunia naa.

SAMUEL 2 12:10

Popisí in iko diá dinumudui kon i-Nakó bo ginamámu in ki buḷoi i Uria, dá kon bonu in buímu monag in oyúonbí in matoi koḻimodan.

SAMUEL 2 13:14

Táe doí in ki Amnon mokidongog kon singognea tua, bo popisí in sia in moropo-ropot, dá dinomokneadon in ki ai-ainea tatua, bo pinakisanea siniugan.

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

SAMUEL 2 18:14

“Natuapa! Modaitdon in kasampatan tongá mobobayowan takinmu,” guman i Yoab. Bo ki Yoab nogamá kon pandong toḷu bo pinotakuḷnea kon dodob i Absalom inta nobiagpa bo noitadang mako kon tanga in kayu.

SAMUEL 2 7:12

Kon singgai moiduduimai, aka wakutumudon matoi, bo iko in ḷobongon kon pinoḷobongan kon mogoguyangmu, ki adímu ḷoḷaki in duíon-Ku mobaḻí datu. Siadon tua in momia kon baḷoi kon i-Nakó. Dodatuan-Nea in irigonan-Ku bo kon kinoouputbí in dunia naa tobatú buínea in momarenta mobaḻí datu.

SAMUEL 2 7:18

Bo sinumuotdon in ki Datu Daud kon bonu in ḷoḷaigan i Tuhan. Iḻimitú in sia bo nosambayang, “O Tuhan Inta Totok in Moḷantud, akuoi takin motoḷuadíku in diábí patus motarima kon kopiaan inta pinoontong-Mu kon inakó naa in kino oonggot.

DATU MITA IMITÁNEA 1:5

Popisí in ki Absalom ain minatoi, dá ki Adonia, adí ḷoḷaki i Daud nogindua in nobaḻí adí guya-guyang. Ki inánea in ki Hagit. Ki Adonia naa in ḷoḷaki inta moḷunat. Diábí dodai onda in torúan i amánea in sia aka momia kon inta moitaḷá. Ki Adonia in moibogbí totok in mobaḻí datu, dá nosadiadon in sia kon tongonumai in kereta in parang bo tontara mita inta tumotakoi kon kabaḷo takin moḷoḷukadnea ḻima nopuḷú.

DATU MITA IMITÁNEA 11:38

Aka iko, ná mogogundoi-Ku ki Daud, motoindudui totu-totuu kon i-Nakó bo mobiag podudui in hukum-Ku mita, bo mokosanang kon gina-Ku takin mopoaid in bayongan inta pinarenta-Ku kon inimu, dá Akuoi in umuranbí moyotakinmu. Baḻíon-Kubí in iko datu kon Israel. Jaminon-Kubí kon buímu in mobaḻíbí datu in Israel momaḷui kon inimu, notongkai ná inta pinomia-Ku kon i Daud.

DATU MITA IMITÁNEA 12:14

Podudui in tonggina in intau mita inta nongobagupa, sia in noguman, “Ki amáku nobogoi in oaidan inta mobogat, táe dugangankubí in kobogat in oaidan tatua. Sia in noposambok kon i monimu in sambok, táe akuoi in moposambokbí kon i monimu in sambok inta sinondugian in uatoi!”

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 89:3

Sin kinotaauanku kon tabi-Mu in mononoi, kososatia-Mu in motorindog naonda bo ḷangit.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 54:10

Umpaka buḷud mita bo tombuḷud mita modandú, Akuoi in diábí mogogai in monotabi kon inimu. Dodandian dodamean-Ku in umuran-Kubí kadaian,” Guman i Tuhan inta notabi kon inimu.

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

YEREMIA 33:21

Natua doman in Akuoi ain nomia kon dodandian takin i mogogundoi-Ku ki Daud, kon nongkon buínea tantúbí oyúon in intau inta mobaḻí datu, bo Akuoi in nomiadon kon dodandian takin imang mita buí i Lewi kon mosia in umuranbí mogundoi kon i-Nakó. Dodandian mita tatua in diábí motaau popatan.

YEHEZKIEL 37:26

Akuoi in momiabí kon tobatú dodandian takin i monia inta moḷukad kon kobiagan monia inta moodom modapot in mononoi. Barakatan-Kubí bo dugangan in kobayong monia. Kon butá monia tua posindogon-Kubí in Baḷoi-Ku inta mononoi kon tua.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

OUMAN IN RASUL MITA 13:34

Aindon biniag i Allah in Sia nongkon sigad in intau minatoi. Táe tanaa mako in diá bidon mokorasa kon popatoi natua in Sia. Sin ki Allah in nogumandon nanaa, ‘Akuoi in mobogoi in dandi motusi kon ini-Mu bo pototuu-Kubí dandi inta aindon doman pinodandi-Ku kon i Daud.’

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 6:19

Onu i harap mako naton tua in naonda bo jangkar inta noikanom mako kon tampat inta modaḷom totok bo nobaḻí kokadaian inta moropot totok bo mokoaman kon kobiagan naton. Onu inta iharap mako tua ain noidapot in yuang inta totok in motusi kon Baḷoi Tuhan kon soroga.

SAMUEL 1 2:35

Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.