SAMUEL 2 23:4 - Alkitab Singog In Mongondow Masa In Tanaa

⁴ Sia in naonda bo sindar in mata in singgai doḷo-doḷom kon doḷo-doḷom inta diá in goḷom. Sia in naonda bo sindar in mata in singgai nopaḷut mako in nonguyan nomaḻí kon bonok noḷunow mopouḻi-uḻinag.”

SAMUEL 2 23:4 ပူးပေါင်းရင်းမြစ်များ

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

MAZMUR 72:6

Igumon mako sia in naonda bo uyan inta noḷabú kon rawang, naonda bo uyan morogot inta nomuntad kon gobá mita.

MAZMUR 89:36

Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

YESAYA 18:4

Ki Tuhan in noguman kon inakó, “Nongkon pinogutunan-Ku kon omonik, Akuoi in moḷongow monag takin moonow bo mosanang, ná koonow in oḷú inta nobaḻí kon tungkuḷ in doḷom inta mopatú kon sempo in pobatunan kon boyó, bo ná koriang in sindar in mata in singgai kon tungkuḷ in nobayagdon.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 60:1

Sindogdon bo kobaḻídon bayag, ei Yerusalem, sin bayag in kasaḷamatanmu in noiangoidon; Ki Allah in monimbayagbí kon inimu takin kamuliaan-Nea.

YESAYA 60:3

Bangusa mita in moyo-moyodudui in mamangoi kon bayagmu, datu mita in moibog kon sindar inta nomuká kon inimu.

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

HOSEA 6:5

Tuamai in Akuoi nopotabá in nabi-Ku mita sin mopotaau kon inimu onu inta ain sinantú-Ku kon moiko in mustibí hukumon bo yopúon. Inta koibog-Ku kon i monimu in nobayag bo nosilang bidon:

MIKHA 5:7

Intau in Israel inta nogutunpa kon yua-yuak in bangusa mita in mobaḻídon naonda bo singa kon yua-yuak in mahaḷuk mita kon kayuon andeka kon yuak in paanan in domba kon rawang in bonok. Singa tatua in tumuot kon yua-yuak in paanan in domba tatua bo moritak poḷat momera-merak; diábí in mokopomuḻi kon domba mita tatua.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

YOHANES 1:7

Sia in namangoi nopotaau kon soaḷ bayag tatua, sinbá mopirisayadon in bayongan intau.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.